Ажәабжьқәа

Популярное

Алан Тадтаев Рауль Ҳаџьымба Аҳәынҭқарра Ахада иалхрақәа рҿы иигаз аиааира идиныҳәалеит

175
11.09.2019 14:13
Алан Тадтаев Рауль Ҳаџьымба Аҳәынҭқарра Ахада иалхрақәа рҿы иигаз аиааира идиныҳәалеит
Алан Тадтаев Рауль Ҳаџьымба алхыҩцәеи аҧсуа жәлар зегьи ирҭаз агәрагара, уи ихьыҧшым аҳәынҭқарра аргылара иазырханы имҩаҧиго аусураҿы адгылара шарҭо азы шаҳаҭра ауеит ҳәа иазгәеиҭеит.

Аҟәа. Цәыббрамза 11. Аҧсныпресс. Аахыҵ Уаҧстәыла Ареспублика Апарламент Ахантәаҩы Алан Тадтаев Аҧсны Аҳәынҭқарра Ахада рауль Ҳаџьымба Аҳәынҭқарра Ахада имаҵураҭыҧ ахт еиҭалхра идиныҳәалеит.

Адныҳәаларатә шәҟәаҿы, ахәҭакахьала иазгәаҭоуп:

“Ҳаҭыр зқәу Рауль Џьумка-иҧа!

Аҧсны Аҳәынҭқарра Ахадас шәалхра инамаданы ишәыдышәкыл гәык-ҧсык ала адныҳәалара!

Агәра згоит, Шәара шәыхьӡ-шәыҧшеи, шәполитикатә ҧышәеи алшара шшәырҭо иреиҳау аҳәынҭқарратә  маҵзураҿы қәҿиарала аусура. Шәара шәалхыҩцәеи аҧсуа жәлар зегьи ишәырҭаз агәрагара ихьыҧшым исуверентәу аҳәынҭқарра аргыларазы имҩаҧыжәго аусураҿы ихадараны иахьыҟоу, асоциалтә-економикатә ҿиареи, жәларбжьаратәи аренаҿы апозициақәа рырӷәӷәареи, ауаа гәцаракрала рызнеиреи, рыҧсҭазаашьа аиҕьтәреи рус аҿы адгылара шшәырҭо азы шаҳаҭра ауеит.

Алада Уаҧстәыла ахә ҳаракны иршьоит, акыргьы еиҷаҳауеит Аҧсни ҳареи ҳаиҩызара, аҧхьаҟагьы ҳаизыҟазаашьақәа есааира ишыӷәӷәахо агәра ҳгоит.

Ҳаҭыр зқәу Рауль Џьумка-иҧа, ишәзеиӷьасшьоит агәабзиара, Аҧсны жәлар рымаҵ аураҿы аихьӡарақәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа