Ажәабжьқәа

Популярное

Џьамал Гәыбаз аҿари аспорти русқәа рзы аҳәынҭқарратә Еилакы аколлектив аҿаҧхьа идгалара мҩаҧгоуп

585
22.05.2020 17:34
Џьамал Гәыбаз аҿари аспорти русқәа рзы аҳәынҭқарратә Еилакы аколлектив аҿаҧхьа идгалара мҩаҧгоуп
Аҧсны Аҳәынҭқарра Ахада Аслан Бжьаниа иҭижьыз Аусҧҟа инақәыршәаны, Џьамал Гәыбаз аҿари аспорти русқәа рзы аҳәынҭқарратә Еилакы ахантәаҩыс дҟаҵоуп.

Аҟәа. Лаҵарамза 22. Аҧсныпресс. Аҧсны аҧыза-министр актәи ихаҭыҧуаҩ Беслан Џьопуа аҿари аспорти русқәа рзы аҳәынҭқарратә Еилакы аколлектив анапхгаҩы ҿыц Џьамал Гәыбаз дыдирдырит.

Анапхгаҩы ҿыц дыдирдыруа, Беслан Џьопуа аҿартә политика аҿы аспорттә хырхарҭақәа рыҿиара, социалла активра злоу, иҧхьагылоу аҿар реиҵааӡара, еиҵагыло абиҧара хра злоу аҟазшьақәа рылааӡара иаҵоу аҵакы ахадара инаҵшьны иазгәеиҭеит.

“Аҿар рыҧсҭазаара иадҳәалоу актуалра злоу апрлблемақәа ахаангьы ауаажәларратә еилазаараҿы аҭыҧ змоу хра злам ацәырҵрақәеи агхақәеи аадырҧшуан. Убри аҟнытә аҿартә политика аҿиара иадҳәалоу апроблемақәа рыӡбара, ауаажәларра зегьы реизҳазыӷьара ишиашоу ала анырра анаҭоит. Иахьа иуадаҩу аҳагылазаашьа аҿы аҿари аспорти русқәа знапы алаку Аилак аусзуҩцәеи аанапхгареи инарыгӡо аусуразы ҭабуп ҳәа расҳәар сҭахуп. Агәра ганы сыҟоуп, анапхгаҩы ҿыц аколлектив рыцхыраарала аҧсуа спорт аҿиара аганахьала аихьӡара дуқәа раиура иадҳәалоу ахықәкы анагӡаразы ирылшо зегьы шыҟарҵо”, – ҳәа иҳәеит Беслан Џьопуа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа