Ажәабжьқәа

Популярное

Амина Аншбеи Анастасиа Детиуки ҩыџьа-ҩыџьалатәи аҧкьаҭмпыл азы атурнир ITF W60 аҿы аиааира ргеит

58
15.07.2019 14:12
Амина Аншбеи Анастасиа Детиуки ҩыџьа-ҩыџьалатәи аҧкьаҭмпыл азы атурнир ITF W60 аҿы аиааира ргеит
Аҧкьаҭмпыл азы атурнир ITF W60 Германиа имҩаҧысуан.

Аҟәа. Ҧхынгәымза 15. Аҧсныпресс. Дамеи Касланӡиа. Аҧснытәи аспортсменка Амина Аншбеи чехиатәи аспортсменка Анастасиа Детиуки ақалақь Ферсмольд (Германиа) имҩаҧысуаз ҩыџьа-ҩыџьалатәи аҧкьаҭмпыл азы атурнир ITF W60 аҿы аиааира ргеит. Урҭ асчиот 2:1 (0:6; 6:3; 10:8) рыла Раиани Схоофси ириааит. Абри азы адырра ҟанаҵоит Аҧсны абҩарҵәыреи аспорти рзы аҳәынҭқарратә Еилакы апресс-маҵзура.

Амина Аншба 2013 шықәсазы 14 шықәса зхыҵуа ақәратә категориа иаҵанакуа рыбжьара Европа актәи аракетка ҳәа ахьӡ лхын, Урыстәыла, Бельгиа. Германиа, Швеицариа, Узбекистан,  Ҭырқәтәыла, уҳәа атәылақәа жәпакы рҿы, 18 шықәса зхымҵыц рыбжьара хыҧхьаӡара рацәала жәларбжьаратәи аиуниортә турнирқәа рҿы аиааирақәа лгахьеит. Иара убас, 18 шықәса зхымҵыц ақәратә категориа аҿы Швеицариатәи ақалақь Клостерс имҩаҧысуаз Европа 2016 Ачемпионат аҿы аиаара лгеит.

Иара убасҵәҟьа, Амина Аншба аиуниортә турнирқәа “Большого Шлема”: US Open (ЕАА), Roland Garros (Франциа), Wimbledon (Великобританиа) зхы алазырхәыз раҧхьаӡатәи аҧснытәи атеннисистка лоуп.

Уажәы Амина Аншба зықәра наӡоу аҭыҧҳацәа ртурнирқәа рҿы дыхәмаруеит. Араҟагьы уи леихьӡарақәа рацәоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа