Ажәабжьқәа

Популярное

Анатоли Бибилов Рауль Ҳаџьымба Аҳәынҭқарра Ахада иалхрақәа аҩбатәи ртур аҟны иигаз аиааира идиныҳәалеит

163
09.09.2019 14:52
Анатоли Бибилов Рауль Ҳаџьымба Аҳәынҭқарра Ахада иалхрақәа аҩбатәи ртур аҟны иигаз аиааира идиныҳәалеит
Аҩ-ҳәынҭқаррак рхадацәа ҭелла реицәажәара мҩаҧысит.

Аҟәа. Цәыббрамза 9. Аҧсныпресс. Цәыббрамза 9 рзы имҩаҧысит Аҧсны Аҳәынҭқарра Ахада Рауль Ҳаџьымбеи Аахыҵ Уаҧстәыла Ареспублика Ахада Анатоли Бибилови ҭелла реицәажәара.

Анатоли Бибилов ҭелла аицәажәараан Рауль Ҳаџьымба Аҳәынҭқарра Ахада иалхрақәа аҩбатәи ртур аҟны иигаз аиааира идиныҳәалеит. Анатоли Бибилов иҳәеит Рауль Ҳаџьымба иигаз аиааира Аҧсны аҿиараҟны анырра бзиа шанаҭо азы агәра шиго атәы.

“Шәара шәыҧсадгьыл шәшазыҟоуи ҭакҧхықәра дула шәусура азнеишьеи агәра сдыргоит ҳаиашьаратә Аҧсны ақәҿиаракәа аманы аҿиара ишалаго, аҧхьаҟа уи аихьӡарақәагьы ишрыцло”, – ҳәа иҳәеит Анатоли Бибилов.

Рауль Ҳаџьымбеи Анатоли Бибилови еибырҳәеит аринахысгьы Аҧсны Аҳәынҭқарреи Аахыҵ Уаҧстәыла Ареспубликеи рыбжьара аҩ-ганктәи аизыҟазаашьақәа рырҕәҕәареи рырҿиареи ишрызхиоу.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа