Ажәабжьқәа

Популярное

Апарламент аҿы Адгәыр Агрба Аҧсны апрокурор Хадас иҟаҵаразы адгалара иақәшаҳаҭхеит

643
12.12.2019 12:34
Апарламент аҿы Адгәыр Агрба Аҧсны апрокурор Хадас иҟаҵаразы адгалара иақәшаҳаҭхеит
Уи азы аӡбамҭа рыдаркылеит Аҧсны Жәлар Реизара – Апарламент аҿы.

Аҟәа. Ҧхынҷкәынмза 12. Аҧсныпресс. Лана Ҵәыџьҧҳа/Елена Полуиан. Аҧсны Жәлар Реизара – Апарламент аҿы адепутатцәа Аҳәынҭқарра Ахада Рауль Ҳаџьымба иҟынтәи Апрокурор Хада имаҵураҭыҧ ахь ирыдгалаз Адгәыр Агрба икандидатура иалацәажәеит.

Адгәыр Агрба икандидатура адгалара мҩаҧигеит аҳәынҭқарра-зинтә политика азы апарламенттә Еилакы Каха Пертаиа. Убри аан уи ари аӡбамҭа Аилак аилатәараҿы ақәшаҳаҭра шаиуз азгәеиҭеит. “Сара агәра ганы сыҟоуп, ҳара иаҳҭо адгыларала уи зегьы илшап ҳәа”, – иҳәеит Каха Пертаиа.

Адгалара даақәшаҳаҭхеит иара убас Апарламент аиҳабы Валери Кәарҷиагьы: “Атәыла аҩныҵҟа аҭагылазаашьа мараиаӡам, зегьы аҳәынҭқарра анаҩс иҟанаҵо ашьаҿақәа иазыҧшуп. Адгәыр Агрба анапхгаҩы иҧышәа имоуп, уи ҳара адгылара иаҳҭар, иқәгылоу ауснагӡатәқәа рыӡбара илшап ҳәа сгәы иаанагоит”.

Имаӡоу абжьыҭирала, Адгәыр Агрба апрокурор Хада имаҵураҭыҧ иҭара азы рыбжьы рҭиит 25-ҩык адепутатцәа, 6-ҩык “мап ицәыркит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа