Ажәабжьқәа

Популярное

Апарламент аҿы азинхьчаратә усбарҭақәа рхаҭарнакцәа алархәны аиҧылара мҩаҧысит

49
15.07.2019 17:00
Апарламент аҿы азинхьчаратә усбарҭақәа рхаҭарнакцәа алархәны аиҧылара мҩаҧысит
Аиҧылара Апарламент адепутатцәа раҧшьгарала имҩаҧган.

Аҟәа. Ҧхынгәымза 15. Аҧсныпресс. Аҧсны Жәлар Реизара – Апарламент аҿы адепутатцәеи атәыла аҩныҵҟатәи аусқәа рминистр Гарри Аршбеи, апрокурор хада Зураб Ачбеи, Аҧсны Аҳәынҭқарра аҳәынҭқарратә шәарҭадара Амҵзура ахантәаҩы ихаҭыҧуаҩ  Дазмир Шамбеи реиҧылара мҩаҧысит.

Аиҧылара Апарламент адепутатцәа раҧшьгарала имҩаҧган. Уи амҩаҧгара зызкыз Омар Мерцхәлаа иҧаареи, аамҭалатәи ауаҩ иҧхьакырҭахь инагаз  Анӡор Ҭарба ишьреи инамаданы аусеилыргара иадҳәалоу аҭагылазаашьа алацәажәара иазкхеит.

Зураб Ачба адепутатцәа ириҭаз адырра ала, уажәтәи аамҭазы Анӡор Ҭарба иҧсышьа шыҟалаз азы иахәҭоу алкаақәа рыҟаҵара алзыршо аӡбара-медицинатә експертиза мҩаҧысуеит.

Аиҧылараҿы адепутатцәа иарбоу ацәгьоурақәа рыла инҭырҳәацааны, иаартны аусеилыргареи, Аҧсны азакәанҧҵара иақәыршәаы уи иахьынӡазалшо ирласны ахыркәшареи шхымҧадатәиу азгәарҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа