Ажәабжьқәа

Апарламенттә Комиссиа Апаспорт-визатә Маҵзура аусура иҽеим ахәшьара анаҭеит

2115
06.02.2020 16:45
Апарламенттә Комиссиа Апаспорт-визатә Маҵзура аусура иҽеим ахәшьара анаҭеит
Уи азы Ақәҵара рыдыркылеит Жәлар Реизара – Апарламент аилатәара аҿы.

Аҟәа. Жәабранмза 6. Аҧсныпресс. Лана Ҵәыџьба. Аҧсны Жәлар Реизара – Апарламент аилатәара аҿы “Аҧсны аҩныҵҟатәи аусқәа Рминистрра иатәу апаспорт-визатә Маҵзура аусура агәаҭара азы адепутатә Комиссиа аусура алҵшәақәа рзы” Ақәҵара иалацәажәеит. 

Аусшәҟәы адгалара мҩаҧго, адепутат Дмитри Дбар инаҵшьны иазгәеиҭеит: “Аџьынџьтәылатәи еибашьраан зыхшаара Қырҭтәыла аганаҿы “мхедрионаа” ргәыҧ иаланы аибашьра иалахәыз ауаа изакәанымкәа атәылауаҩратә шәҟәқәа рыҭара иадҳәалаз ахҭысқәа аарҧшын. Ари аус аилыргара иалагахьеит апрокуратура Хада. Иара убас ҧыхьатәи Аҳәынҭқарра Ахада ихаҭыҧуаҩ Витали Габниа иҧаршеиу инапынҵа  аарҧшын, аҵарҭыша азы апаспортқәа рыҽҳәара иацҵахон. Акомиссиа, иара убас, апаспорт-визатә Маҵзура иахәҭоу аҩаӡараҿы аус ауӡом ҳәа алкаа ҟанаҵеит, иаагозар, аусзуҩцәа аҭыҧқәа рҿы иҟаӡамызт, ауаа агәараан иқәгыланы урҭ ирзыҧшын, аӡбара аӡбамҭақәа нагӡзахомызт, адепутатә Комиссиа азыҳәарақәа изныкымкәа азхьаҧшрада иаанхон”. 

Ахәҭакахьала, Аҧсны апрокурор Хада Адгәыр Агрба адырра ҟаиҵеит: “Ҧшьҩык ауаа паспортла реиқәыршәара иадҳәалоу афакт ала агәаҭара аматериалқәа рҟынтәи ишеилкаахаз ала, 2017шықәса рзы урҭ атәылауаҩра раиура азы апаспорт-визатә Маҵзура иадҵаалахьан, урҭ зегьы усҟан апаспортқәа рыҭан. Ҳазну аамҭазы агәаҭара мҩаҧысуеит, аха уи макьаназы ихыркәшаӡам, аха иара уажәгьы ацәгьоура аҷыдарақәа убаратәы иҟоуп. Ҳара апаспортқәа рыҭара иалахәыз ауаа рышьақәыргылара ҳаҿуп”. 

Апарламент адепутатцәа Акомиссиа аусура аихшьаалақәа атәыла аҩныҵҟатәи аусқәа Рминистрра ахь аиагара азы аӡбамҭа рыдыркылеит, апаспорт-визатә Маҵзура аусура иҽеим ахәшьара анаҭеит, иара убас, аҩныҵҟатәи аусқәа рминистр Аҧсны апрокуратура Хада агәаҭара анымҩаҧнаго аамҭа иалагӡаны Едуард Манаргиа апаспорт-визатә Маҵзура аиҳабы имаҵзура аҟынтәи ихы ақәиҭтәра азы абжьгара ҟарҵеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа