Ажәабжьқәа

Популярное

Апрокуратура Хада Аҟәа амшын аҧшаҳәа азааигәара иҟалаз ацәгьоура азы иназыцҵоу адыррақәа рзы аҳәамҭа аланарҵәеит

4080
12.02.2020 17:22
Апрокуратура Хада Аҟәа амшын аҧшаҳәа азааигәара иҟалаз ацәгьоура азы иназыцҵоу адыррақәа рзы аҳәамҭа аланарҵәеит
1982 шықәса рзы ииз, Аҟәа ақалақь аҿы инхо Бганба Беслан Тото-иҧа иганахьала ашьҭазааратә усмҩаҧгатә хацыркуп. 

Аҟәа. Ажьырныҳәамза 12. Аҧсныпресс. Абҵарамза 22, 2019 шықәса рзы Аҟәа ақалақь амшын аҧшаҳәа азааигәара Шамба А. Л., Авидзба А. Х., Акьыртаа Д. Иу. гәҭакыла рышьра инамаданы, заатәи аусеилыргара аусбарҭа ала иарбоу ацәгьоурақәа ирылахәыз ахаҿы дшьақәыргылоуп. Абри атәы аанацҳауеит апрокуратура Хада аофициалтә саит. 

Аацҳамҭа излаанацҳауа ала, жәабранмза 11, 2020 шықәса рзы Аҧсны апрокуратура Хада аусеилыргаратә усбарҭа ала, абанда аилазаараҿы гәыҧҩык ауаа заанаҵтәи раибыҳәарала, азеиҧшшәарҭара зцу аҟаҵашьала, ҩыџьа, ма еиҳаны рышьра, иара убас, ахымцабџьар изакәанымкәа аҵәахреи, аныҟәгареи, аиагареи  рҿы игәҩароу ахаҿы, – 1982 шықәса рзы Очамчыра араион  Арасаӡыхь ақыҭан ииз, Аҟәа ақалақь аҿы инхо – Бганба Беслан Тото-иҧа иганахьала ашьҭазааратә усеилыргара ахацыркра алаҳәаразы Аҧсны аҩныҵҟатәи аусқәа Рминистрра ахь ақәҵара нашьҭын. 

Уаанӡа иҟаз адыррақәа рыла, Аҟәа ақалақь апрокуратура ала иарбоу афакт ала ашьаусеилыргара хацыркуп: ҧхынҷкәынмза 2, 2019 шықәса рзы Ахалаиа Даҭо Реваз-иҧа иганахьала; ҧхынҷкәынмза 15, 2019 шықәса Ахалаиа Демур Реваз-иҧа иганахьала; иара убас ажьырныҳәамза 6, 2020 шықәса рзы Блабба Аслан Даур-иҧа иганахьала Аҟәатәи ақалақьтә ӡбарҭа ала ҧырҟәҟәаагас иалхын аҭакра.

Уи аҧхьа, аусеилыргаҩ иқәҵарала, Ҷкадуа Ерик Иури-иҧа иганахьала ашьҭазааратә усмҩаҧгатә ахацыркра азы алаҳәара ҟаҵан.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа