Ажәабжьқәа

Популярное

Ҳарҭ иҭабуп ҳәа шәаҳҳәоит Аҧсны гәыла-ҧсыла шәахьазыҟоу азы: Рауль Ҳаџьымба Ҟабарда-Балкариатәи Ареспублика аделегациа идикылеит

539
09.10.2019 23:07
Ҳарҭ иҭабуп ҳәа шәаҳҳәоит Аҧсны гәыла-ҧсыла шәахьазыҟоу азы: Рауль Ҳаџьымба Ҟабарда-Балкариатәи Ареспублика аделегациа идикылеит
Аделегациа анапхгаҩы, Ҟабарда-Балкариа Ахада Иусбарҭа Анапхгаҩы Муҳамед Коӡоков Аҧсны Аҳәынҭқарра Ахада иазҧхьагәаҭаны имоу аусқәа шынагӡахо азы агәра шиго иҳәеит.

Аҟәа. Жьҭаарамза 9. Аҧсныпресс. Аҧсны Аҳәынҭқарра Ахада Рауль Ҳаџьымба Аҳәынҭқарра Ахада имаҵура анагӡарахь инеира иазку аныҳәатә еилатәара зҽалазырхәырц иааз Ҟабарда-Балкариатәи Ареспублика аделегациа идикылеит.

“Ҟабарда-Балкариеи Аҧсни еснагь аиҩызара рыбжьан, уи аринахысгьы иацҵахоит. Шықәсык аҧхьа иахьа ара иҟоу ҳделегациа иалахәыз роуп Аҧсны иҟаз, иаҳбарҭоуп атәыла аҿиара ишаҿу. Ҳара ри ҳаигәырҕьоит, агәрагьы ҳгоит шәколлегацәеи шәареи иазгәашәҭаз аусқәа шынагӡахо. Ҳара еснагь ҳшәыдгылоит, шәааигәара ҳаҟоуп”, – ҳәа иҳәеит Ҟабарда-Балкариа Ахада Иусбарҭа Анапхгаҩы Муҳамед Коӡоков.

Аҳәынҭқарра Ахада иазгәеиҭеит Аҧсны Аҳәынҭқарреи Ҟабара-Балкариатәи Ареспубликеи рыбжьара аусеицура аҿиара иамоу аҵакы:

“Ҟабарда-Балкариеи ҳареи аигәылацәа реиҳа ҳаиҳауп, ҳарҭ аиашьаратә жәларқәоуп, ҳаузеиҟәыҭхом. Аибашьра аамҭазы иҳадгылаз зегьы ҳрызгәдууп. Аҷкәынцәа аӡәырҩы ара иҭахеит, урҭ ргәалашәара ҳацзаауеит есқьынгьы. Аҷкәынцәа ацәаҳәа иқәгылоу рҽазыршәоит аимадара арҿиара, уи ҳара ҳзы акраҵанакуеит. Иҟаҵоу рацәоуп, аестафета еизҳауа абиҧарақәа ирымадатәуп. Ҳарҭ иҭабуп ҳәа шәаҳҳәоит Аҧсны гәыла-ҧсыла шәахьазыҟоу азы”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа