Ажәабжьқәа

Ҳара аҧсуаа ҳрыцхраарц ауп арахь ҳзааз, уи анагӡарагьы ҳалшеит: Гәдоуҭа ақалақь аҿы хатәгәаҧхарала иааз аибашьцәа Рымш азгәарҭеит

877
15.08.2019 12:12
Ҳара аҧсуаа ҳрыцхраарц ауп арахь ҳзааз, уи анагӡарагьы ҳалшеит: Гәдоуҭа ақалақь аҿы хатәгәаҧхарала иааз аибашьцәа Рымш азгәарҭеит
Гәдоуҭа ақалақь аҿы иҟоу Аҧсны ахақәиҭреи ахьыҧшымреи зхы ақәызҵаз хатәгәаҧхарала иааз аибашьцәа рбаҟа амҵан ашәҭ шьыҵәрақәа шьҭарҵеит.

Гәдоуҭа. Нанҳәамза 15. Аҧсныпресс. Ҭамара Ачҧҳа. Гәдоуҭа ақалақь аҿы иҟоу Аҧсны ахақәиҭреи ахьыҧшымреи зхы ақәызҵаз хатәгәаҧхарала иааз аибашьцәа рбаҟа ахь инеит Аҳәынҭқарра Ахада Рауль Ҳаџьымба, Жәлар Реизара-Апарламент аиҳабы Валери Кәарҷиа, Аҧсны иҟоу Урыстәылатәи Афедерациа аҷыдалкаатә зинмчы змоу Ацҳаражәҳәаҩ Алексеи Двинианин, Аҧсны иҟоу Аахыҵ Уаҧстәыла аҷыдалкаатә зинмчы змоу Ацҳаражәҳәаҩ Олег Боциев, адепутатцәа, атәыла анапхгареи ауаажәларратә еиҿкаарақәеи рхаҭарнакцәа, аветеранцәа, ареспублика ауааҧсыра.



Чечентәылатәи Ареспублика аҟынтәи хатәгәаҧхарала Аҧсны еибашьуаз Анӡор Магомадов ари ахҭыс иаҵоу аҵакы дазааҭгылеит: “Иахьатәи амш хатәгәаҧхарала еибашьуаз рзы ныҳәа дууп, избан акәзар усҟан аиааира агара ҳалҳаршеит! Ҳара аҧсуаа ҳрыцхраарц ауп арахь ҳзааз, уи анагӡарагьы ҳалшеит. Сара исҭахуп Аҧсны ҿиаларц, еиҭашьақәыргылазарц, зегьы маншәаланы иҟаларц. 2014 шықәса раахыс сара есышықәса агәалашәаратә рыцхәқәа рызгәаҭаразы арахь саауеит. Сара есымшәа шәыжәлар рыдгылареи рыцхыраареи сазхиоуп”.



(АП): Нанҳәамза 15, 1992 шықәса рзы хатәгәаҧхарала аибашьразы Аҧсныҟа иааит раҧхьаӡатәи агәыҧ. Уи напхгара аиҭон Кавказ ашьхарыуа жәларқәа Рконфедерациа ахыхьчара Акомитет ахантәаҩы Сулҭан Сосналиев.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа