Ажәабжьқәа

Популярное

Ҳара аиашьаратә еизыҟазаашьақәа рырҕәҕәара ҳазхиоуп: Валери Кәарҷиа Шьамтәылатәи Арабтә Республика аделегациа идикылеит

301
01.10.2019 12:15
Ҳара аиашьаратә еизыҟазаашьақәа рырҕәҕәара ҳазхиоуп: Валери Кәарҷиа Шьамтәылатәи Арабтә Республика аделегациа идикылеит
Шьамтәылатәи Арабтә Республика аделегациа Аҧсны иааит Аиааиреи Ахьыҧшымреи рымш азгәаҭара иазку аныҳәатә усмҩаҧгатәқәа рылахәхаразы.

Аҟәа. Жьҭаарамза 1. Аҧсныпресс. Дамеи Касланӡиа. Аҧсны Жәлар Реизара – Апарламент аиҳабы Валери Кәарҷиа Аҧсны Аиааиреи Ахьыҧшымреи Рымш азгәаҭара иазку аныҳәатә усмҩаҧгатәқәа рылахәхаразы иааз Шьамтәыла Апарламент адепутатцәа рделегациа идикылеит.

Валери Кәарҷиа инаҵшьны иазгәеиҭееит: “Агәыҕра сымоуп ас еиҧш аиҧыларақәа ҩаҧхьагьы изныкымкәа ишыҟало. Ҳара есымша асасцәа гәахәарыла иҳадаҳкылоит. Шьамтәыла ажәлари, атәыла Ахада Башар Асади иҟарҵаз ашьаҿа ахә ҳаракны иаҳшьоит. Шьамтәыла иаҿыуҵааша акыр ирацәоуп. Ҳара аиашьаратә еизыҟазаашьақәа рырҕәҕәара ҳазхиоуп. Агәра ганы сыҟоуп, ҳтәылақәа раҧхьаҟа иреиҕьу аамҭақәа ҟалараны иҟоуп.

Ахәҭакахьала, Шьамтәыла Апарламент адепутат Џьансеҭ Казанба Аҧсны Жәлар Реизара – Апарламент аиҳабы иҟаиҵаз адкылареи аныҳәатә усмҩаҧгатәқәа рылахәхаразы иҟаиҵаз ааҧхьареи рзы ҭабуп ҳәа иалҳәеит: “Аҧсны жәлар, атәыла Анапхгара, ҳара адкылара бзиаӡа ҳарҭеит. Сара ари атәыла саҭаацыҧхьаӡа игәасҭоит уи шаҟа аҿиара амҩа иану. Аҧсуа жәлар аҭынчреи, аҭышәынтәалареи, аизҳазыҕьареи рзеиҕьасшьоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа