Ажәабжьқәа

Популярное

Асҭамыр Қьецба Гагра араион ахада инапынҵақәа рынагӡара мап ацәикит

3834
23.12.2019 17:05
Асҭамыр Қьецба Гагра араион ахада инапынҵақәа рынагӡара мап ацәикит
Уи азы Асҭамыр Қьецба Аҳәынҭқарра Ахада иахь аҳәара дәықәиҵеит.

Аҟәа. Ҧхынҷкәынмза 23. Аҧсныпресс. Аҳәынҭқарра Ахада иҭижьыз Аусҧҟа инақәыршәаны, Асҭамыр Қьецба Гагра араион Администрациа ахада инапынҵақәа рынагӡара идҵан. Аха анапхгаҩы ҿыц аколлектив идгалара залмыршахаӡеит. Асҭамыр Кьецба Аҧсныпресс акорреспондент диҿцәажәо, ишьақәгылаз аҭагылазаашьа далацәажәеит:

“Иахьа сара Гагра араион ахада иаҳасабала Администрациа аколлектив аҿаҧхьа сыдгалара мҩаҧысыр акәын. Ҳара Администрациа ахыбра ҳазааигәахеит, аха араҟа сара араион сахагылара иақәшаҳаҭымыз џьоукы еизахьан. Усҟан сара аӡбамҭа сыдыскылеит, Аҳәынҭқарра Ахадагьы аҧыза-министргьи рахь сара скандидатура адгалареи анапынҵақәа рынагӡаҩыс сыҟаҵареи мап ацәыркырц аҳәара ҟасҵеит. Убри ашьҭахь араион Ахадара ахыбра аҧхьа еизаз рахь снеит. Сара аҭагылазаашьа аруадаҩра ахьысҭахым инамаданы, Аҳәынҭқарра Ахада иҿаҧхьа ари амаҵураҭыҧ сыҭара мап ацәикырц азы аҳәара шьҭасҵеит ҳәа аҳәамҭа ҟасҵеит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа