Ажәабжьқәа

Популярное

Ашәҭ шьыҵәрақәа, алаҕьырӡ зцу аиааирамш агәалашәарақәа: Арратә Ахьӡ-Аҧша апарк аҿы Аџьынџьтәылатәи еибашьра аҿы иҭахаз ҳаҭырла иргәаладыршәеит

143
30.09.2019 13:28
Ашәҭ шьыҵәрақәа, алаҕьырӡ зцу аиааирамш агәалашәарақәа: Арратә Ахьӡ-Аҧша апарк аҿы Аџьынџьтәылатәи еибашьра аҿы иҭахаз ҳаҭырла иргәаладыршәеит
Аҧсны Аиааиреи Ахьыҧшымреи Рымш азгәарҭоит.

Аҟәа. Цәыббрамза 30. Аҧсныпресс. Лана Ҵәыџьҧҳа/Ҭамара Ачҧҳа. Аҧсны Аџьынџьтәылатәи еибашьра аҿы Аиааира агара Амш 26-шықәса ахыҵра аҽны Арратә Ахьӡ-Аҧша апарк аҿы Аџьынџьтәылатәи еибашьра аҿы иҭахаз Рмемориал амҵан ашәҭ шьыҵәракәа рышьҭаҵара иадҳәалоу ацеремониа мҩаҧысит.


 
Ашәҭшьҭаҵара иазкыз ацеремониа иалахәын атәыла аҧыза-министр Валери Бганба, Аҧсны Жәлар Реизара – Апарламент Аиҳабы Валери Кәарҷиа, Аҳәынҭқарра Ахада Иусбарҭа Анапхгаҩы Беслан Барцыц, Апарламент адепутатцәа, аиҳабыра алахәылацәа, аветерантәи ауаажәларратәи еиҿкаарақәа рнапхгаҩцәеи рылахәцәеи, аныҳәатә усмҩаҧгатәқәа рыҽрылархәразы иааз асасцәа, ақалақь ауааҧсыра, ашколхәыҷқәеи  астудентцәеи.



Аҧсны Аџьынџьтәылатәи еибашьра аветеран, Леон иорден занашьоу Надежда Хонелиа Аиааира агара иахҭынҵоу атәы далацәажәеит: “Аибашьра иадҳәалоу ахҭысқәа ргәалашәареи рылацәажәареи акыр иуадаҩуп. Сара ари аибашьраҿы дсыцәҭахеит зегьы раасҭа исызгәакьаз сҧа, уи аибашьра аҩбатәи амш аҽны дҭахеит. Сара уи иҧсыбаҩ аморг аҿы иҧшааны анышә дамасдеит. Анаҩс сыҧшәмеи сареи ахәшәқәа аашьҭыхны Гәдоуҭаҟа ҳхы ҳархеит. Абаталион “Шьараҭын” аибашьцәа срыцны сара аибашьра амҩа санысит, ахәрагьы соухьан, аха уеизгьы шьҭахьҟа сымхьаҵит, сашьцәа аибашьцәа ҩаҧхьа срывагылеит. Аиааира Егры саҧылеит. Ақырҭуа мпыҵахалыҩцәа шәаҟьаны рабџьари ихәыз рҩызцәеи кажьны иҩны ицон, ҳара урҭ ҳрышьҭанеиуа иҧхаҳцон”.



Надежда Хонелиа Аҧсны ажәлар аҭынчреи аизҳазыҕьареи рзеиҕьалшьеит: “Еиҵагыло аҿар Аиааиреи Ахьыҧшымреи  иахҭынҵоу рдыруазар ахәҭоуп!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа