Ажәабжьқәа

Ашәҟәы “Аҧсны аспорттә ахьӡ-аҧша” аӡыргара Аҟәа ақалақь аҿы имҩаҧысит

129
04.07.2019 12:00
Ашәҟәы “Аҧсны аспорттә ахьӡ-аҧша” аӡыргара Аҟәа ақалақь аҿы имҩаҧысит
Аусмҩаҧгатә ихы алаирхәит Аҳәынҭқарра Ахада Рауль Ҳаџьымба.

Аҟәа. Ҧхынгәымза 4. Аҧсныпресс. Дырмит Басариа. И. Гь. Папасқьыр ихьӡ зху Амилаҭтә Библиотека аҿы, Аҳәынҭқарра Ахада ицхыраарала Аҧсны абҩарҵәыреи аспорти рзы аҳәынҭқарратә Еилакы аҧшьгарала иҭыжьыз ашәҟәы “Аҧсны аспорттә ахьӡ-аҧша” аӡыргара Аҟәа ақалақь аҿы имҩаҧысит. Аҭыжьымҭа автор-аиқәыршәаҩ – Алада Урыстәыла Аолимпиатә Академиа апрезидент актәи ихаҭыҧуаҩ, РСФСР Аҧсни зҽаҧсазтәыз азыҟаҵаҩ Александр Банников. Ашәҟәы 1992-1993 шш. Аҧсны Аџьынџьәтәылатәи еибашьра аҿы Аиаиира агара 25-шықәса ахыҵра иазкуп. Аҭыжьымҭа атираж – 600 екземплиар рҟынӡа инаӡоит.

Ашәҟәы адгалара мҩаҧго, Аҧсны Аолимпиатә комитет апрезидент Валери Аршба иазгәеиҭеит: “Аспорт – аҳәынҭқарра аргылареи аҿиареи рҿы иҷыдоу хырхарҭаны иҟоуп. Аҧсуа спорт аҭоурых ижәытәӡоу атрадициақәа амоуп”.

Валери Аршба аҭыжьымҭа аус адулара шымҩаҧысуаз атәы далацәажәеит: “Ари ашәҟәы Рауль Ҳаџьымба иаҧшьгарала иҭыжьын, уи ашәҟәы аҭыжьразы хаҭала аҳәара ҟаиҵеит. Ҳара ари ашәҟәы аҩраан ацхырааразы ҳидҵаалеит Адыгеиа, Ҟарачы-Черкессиа, Ҟабарда-Балкариа, Краснодартәи атәылаҿацә, уҳәа рҿы ас еиҧш ашәҟәқәа рҭыжьразы аҧышәа ҕәҕәа змоу Александр Банников. Ҳара арҭ ашәҟәқәа раҳҭараны ҳаҟоуп абиблиотекақәеи ашколқәеи, ҳхәыҷқәа рфырхацәа рдыруазарц, ирызгәдузарц ҳҭахуп. Ари ашәҟәы раҧхьатәи ҧышәоуп ҳара ҳзы, аха жәаҳәарада уи иацааиқәогьы ҟалоит”.

Убри аан, Аҧсни Урыстәылеи зҽаҧсазтәыз азыҟаҵаҩ, ашәҟәы автор Александр Банников инаҵшьны иазгәеиҭеит: “Ари ашәҟәы афырхацәа зегьы сара гәыла исыдыскылон, иналукааша, еицырдыруа аспортсменцәа рҭоурых ҿыцбарах схазы иаасыртуан. Аиашазы иааџьаушьаратәы иҟоуп Аҧсны аспорттә лшара ахьынӡаҳараку. Даара гәахәарала исыдыскылоит ари ашәҟәы иабзоураны аспортсменцәеи аспорт аусзуҩцәеи рыхьӡқәа ахьынаунагӡахо, Аҧсны аспорттә лшара аҭоурых адаҟьақәа иахьырныло. Еиҵагыло абиҧара рыҧсадгьыл ахьӡ-аҧша еихазҳауаз афырхацәа рыхьӡқәа хымҧада ирдыруазароуп”.



Ашәҟәы Аҧсны аспорт аҿиара аҭоурых аҿы зышьҭа аанзыжьыз иналукааша аспортсменцәеи азыҟаҵаҩцәеи, аспорттә усзуҩцәеи рфотосахьақәа, рыхьӡқәа, рнысымҩақәа анылеит Урҭ рхыҧхьаӡараҿы иҟоуп 11-ҩык Аолимпиатә хәмаррақәа рҿы аиааира згаз, 14-ҩык – Адунеи Ачемпионатқәа рҿы аииара згаз, 30 ҩык – Европа Ачемпионатқәа рҿы аиааира згаз, 109-ҩык – Асовет Еидгыла Ачемпионатқәа рҿы аиааира згаз, 505-ҩык – аспорт азҟазақәа, 192-ҩык – зҽаҧсазтәыз азыҟаҵаҩцәеи 34-ҩык – арбитрцәеи.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа