Ажәабжьқәа

Популярное

Аслан Бжьаниа Аҧсны аҧсылманцәа Аурычра Аныҳәа (Ураза-Байрам) рыдиныҳәалеит

2775
24.05.2020 12:41
Аслан Бжьаниа Аҧсны аҧсылманцәа Аурычра Аныҳәа (Ураза-Байрам) рыдиныҳәалеит
“Адин ҳаҭыр ақәҵара, еиуеиҧшым адин ныҟәызго ауаа аӡәи-аӡәи реилибакаара, ианакәызаалакгьы аҧсуа жәлар ирҷыдаҟазшьаны иҟан”, – ҳәа инаҵшьны иазгәеиҭеит  Аҧсны Аҳәынҭқарра Ахада Аслан Бжьаниа.

Аҟәа. Лаҵарамза 24. Аҧсныпресс. Аҧсны Аҳәынҭқарра Ахада Аслан Бжьаниа Аҧсны аҧсылманцәа Аурычра Аныҳәа (Ураза-Байрам) рыдиныҳәалеит.

Адныҳәалараҿы, ахәҭакахьала иазгәаҭоуп:

«Дарбанызаалак, аҧсылман дин ныҟәызго изы иҧшьоу Аурычра амыз иалагӡоу ачгара ахыркәшара иазку аныҳәа лаша, иҳараку адоуҳатә идеалқәеи, ашәышықәсала ишьақәгылахьоу атрадициақәеи зеиӷьаҟам ала ианыҧшуеит. Ураза-Баирам, аҧсуаа Аурычра ҳәа изышьҭоу аныҳәа доуҳала ацқьара, аиаша азықәҧара, аҭычреи, аҭышәынтәалареи, агәыҳалалреи рышьақәгылара иазырхоу хра злоу аусқәа рыҟаҵаразы агәызҭазаара унаҭоит.

Аҧсны – аконфесиақәа рацәаны иахьыҟоу тәылоуп. Адин ҳаҭыр ақәҵара, еиуеиҧшым адин ныҟәызго ауаа аӡәи-аӡәи реилибакаара, ианакәызаалакгьы аҧсуа жәлар ирҷыдаҟазшьаны иҟан. Агәра ганы сыҟоуп, Аҧсны аҧсылманцәа аринахысгьы ҳтәыла аҩныҵҟа адинхаҵаратә ҭышәынтәалара ашьақәгылара ишацхраало.

Ҷыдала срыдныҳәаларц сҭахуп ҳџьынџьуаа – Ҭырқәтәыла, Шьамтәыла, егьырҭ аҧсылмантә тәылақәа рҿы инхо аҧсуа диаспора.

Ари аныҳәамш аҽны зегьы ирзеиӷьасшьоит аҭынчра, ақьиара, аизҳазыӷьара”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа