Ажәабжьқәа

Аспелеологцәа адунеи аҿы зегьы реиҳа иҵаулоу аҳаҧқәа иреиуоу – Бзыҧтәи ашьхеибаркыра аҿы иҟоу аҳаҧы “Снежная” аҿы аҭҵаарақәа мҩаҧыргеит

921
20.08.2019 14:27
Аспелеологцәа адунеи аҿы зегьы реиҳа иҵаулоу аҳаҧқәа иреиуоу – Бзыҧтәи ашьхеибаркыра аҿы иҟоу аҳаҧы “Снежная” аҿы аҭҵаарақәа мҩаҧыргеит
Уажәазы иҭҵаау аҳаҧы аҵаулара 1 760 метр рҟынӡа инаӡоит.

Аҟәа. Нанҳәамза 20. Аҧсныпресс. Урыстәылатәи агеографиатә еилазаара алахәылацәа иахьазы имаҷны иҭҵаау Аҧснытәи ашьхара аҵакыраҿы имҩаҧыргоз аекспедициа аҟынтәи игьежьит. Абри атәы аанацҳауеит интернет-портал “Живая Кубань”.



Аацҳамҭа излаанацҳауа ала, Бзыҧтәи ашьхеибаркыраҿы иҟоуп адунеи аҿы зегьы реиҳа иҵаулоу аҳаҧқәа рахь иаҵанакуа–аҳаҧы “Снежная”. Уи жәларбжьаратәи ареитинг аҿы аҧшьбатәи аҭыҧ ааннакылоит. Аекспедициа амҩаҧгара аҳәаақәа ирҭагӡаны, аҳаҧҭҵааҩцәа ашьха Ӡыҧшьры аҟынтәи аладатәии аҩада-мраҭашәратәи аганахьала акарст аҿиара аҵакыра ҭырҵааит. Аха аҳаҧы аҩныҵҟа аиасраан аҧықәслара цәырнагон арҭ аҳаракырақәа рҿы макьаназы имӡыҭыцкәа иаанханы иҟоу аҵаасырӡқәа. Иара убас арелиеф ҕәҕәала иахьеиҿыхуи, зҵакыра дуу иҿыцу аҳаҧытә цыргақәа рыҟазаареи аусура акыр иаруадаҩуан.



Аҳаҧҭҵааҩцәа иҟарҵо алкаа ала, аҳаҧы “Снежная” аартын 1971 шықәсазы. Усҟан уи 720 метр аҟынӡа ауп аҭҵаара шалыршаз. Шықәсырацәа инеиҧынкыланы имҩаҧгаз аҭҵаарақәа ирыбзоураны, ари арбага 1 370 метр рҟынӡа аизырҳара алыршахеит. Иара убас аҳаҧы “Снежная” еизаку аҳаҧытә комплексны ишыҟоу еилкахеит. Бзыҧтәи ашьхеибаркыра ахь аҵарауаа хынҳәит 2000-тәи ашықәсқәа рзы. Уажәазы иҭҵаау аҳаҧы аҵаулара 1 760 метр рҟынӡа инаӡоит. Уи аҳаҧы Меженныии Иллиузиеи ирымадоуп, иаарҧшуп Аҳ итыҧ (Тронный зал) ҳәа изышьҭоу азал, иара убас аҳаҧы аҵантәи аӡиа. Ари аҳаҧытә комплекс иуадаҩу алсра ахьыцәгьоу ҳәа иҧхьаӡоуп. Аҳаҧы “Снежная” ала аекскурсиақәа мҩаҧыргаӡом – аҳаҧы алсра азы иҷыдоу аиқәыршәагақәа аҭахуп, насгьы уи махашьахала иҕәҕәоу, азыҟаҵара бзиа змоу роуп изылшо.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа