Ажәабжьқәа

Популярное

Атәыла Анапхгара ахада шәагаала идуу амаинингтә фермақәа раарҧшразы анапынҵақәа ҟаиҵеит

1230
12.12.2019 14:20
Атәыла Анапхгара ахада шәагаала идуу амаинингтә фермақәа раарҧшразы  анапынҵақәа ҟаиҵеит
Аминистрцәа Реилазаара аҿы аенергетика азҵаарақәа рзы аилатәара мҩаҧысит.

Аҟәа. Ҧхынҷкәынмза 12. Аҧсныпресс. Аҧсны аҧыза-министр Валери Бганба афымцамҩангагатә система аҭагылазаашьа иазкны аилатәара мҩаҧигеит. Абри атәы аанацҳауеит аминистрцәа Реилазаара аофициалтә саит.

Ареспубликатә Унитартә Наплакы "Амшынеиқәафымцамч" анапхгаҩы Аслан Басариа атәыла Анапхгара Ахада афымцамҩангагақәа акыр изызҳаз рықәыҕәҕәара иахҟьаны, Аусбарҭа Аҧсны араионқәа рҿы афымцала аиқәыршәара аҿы аамҭала аҧкра аланагалар акәхоит ҳәа адырра ииҭеит. Уи, раҧхьаӡа иргыланы аҳаиртә лышәшәақәа ахьмаҷу инамаданы аӡеизакырҭақәа рҿы аӡы азымхара ахьыҟоу, насгьы афымцамч ахархәара аҿы адисциплина аҟамзаареи роуп изыхҟьо ҳәа иазгәеиҭеит.

Иара убас, уи иажәақәа рыла, изакәанымкәа "Амшынеиқәафымцамч" афымцамҩангагатә система зҽаҧызшьо амаинингтә фермақәа рыларҵәара ахьалыршахаз аҭагылазаашьа еиҳагьы иаруадаҩуеит. Аҵыхәтәантәи амшқәа рзы аиҳахара арбагақәа лассы-лассы "40 МВт" адырга иахысуеит.

Аилатәара аихшьаалақәа рыла, атәыла Анапхгара ахада аиҧылара иалахәыз шәагаала идуу амаинингтә фермақәа раарҧшреи, иара убас "Амшынеиқәафымцамч" абонентцәа зегьы рхы иадырхәо афымцамч алимит ашьақәыргылара алзыршо анорма-зинтә шәҟәынҵақәа реиқәыршәара иазку аусура ахацыркреи рзы  анапынҵақәа риҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа