Ажәабжьқәа

Популярное

Авҭандил Гарцкиа: Аҧсны хра злоу ахьӡ аҧҵара иазку аусмҩаҧгатәқәа еиқәыршәоуп

63
17.05.2019 15:55
Авҭандил Гарцкиа: Аҧсны хра злоу ахьӡ аҧҵара иазку аусмҩаҧгатәқәа еиқәыршәоуп
Аҧсны аминистрцәа Реилазаара аҿы имҩаҧысыз инарҭбаау аилатәара аҿы атуристтә аамҭахәҭа аҽазыҟаҵара шымҩаҧысуа иалацәажәеит.

Аҟәа. Лаҵарамза 17. Аҧсныпресс. Дамеи Касланӡиа. Аҧсны аминистрцәа Реилазаара аҿы Аҧсны Аҳәынҭқарра Ахада Рауль Ҳаџьымба ихантәаҩрала имҩаҧысыз инарҭбаау аилатәара аҿы атуристтә аамҭахәҭа аҽазыҟаҵара шымҩаҧысуа иалацәажәеит.

Акурортқәеи атуризми рминистр Авҭандил Гарцкиа аилацәажәара иалахәыз аусбарҭа имҩаҧнаго аусмҩаҧгатәқәа рзы адырра риҭеит:

“Аминистрра ишьақәыргылоу аплан инақәыршәаны аус ауеит. Иазгәасҭарц сҭахуп ҳазҭоу ашықәс хәажәкырамзазы Москва жәларбжьаратәи ацәыргақәҵаҟны аиқәшаҳаҭра ҳабжьаҵара хықәкыс изманы ҳаҭӡы абаразы инеиз ара ишаҳҭаахьоу, аус ҳацура шырҭаху атәы. Ҳара урыстәылатәи атуристтә агентцәа злахәу аӡыргара-информациатә турқәа рымҩаҧгара иахьагьы ҳаҿуп. Сынтәатәи ашықәс жьҭаарамзазы имҩаҧаҳгараны ҳаҟоуп сибратәи аҭыжьымҭақәа жәохә рыҟны аус зуа ажурналистцәа злахәхо апресс-тур.

Абри амчыбжь алагамҭазы имҩаҧысит урыстәылатәи аканалқәа рхаҭарнакцәа рҧылара. Ҳаиқәшаҳаҭны иҳаӡбеит 40 минуҭ ицо еиуеиҧшым атемақәа рыла 6 фильмк рҭыхра: акультура, аспорт, ақыҭа ҧсҭазаара, аетнографиа, амилаҭтә чыс уҳәа убас егьырҭгьы ирызкны. Арҭ аусмҩаҧгатәқәа хықәкыс ирымоуп ҳтәыла аӡыргара, уи иазку аинформациа рыларҵәара. Абарҭ амшқәа рзы аус ҳацызуа, “Библио-Глобус” акциақәа аазхәаз ҳпартниорцәа руаӡәык аҳәара ҟаиҵеит иааиҧмырҟьаӡакәа аус зуа дара рагентцәа рзы аӡыргаратә тур цәыббрамза анҵәамҭахьы аиагаразы, уажәы аусура ахьырацәоу, Аҧсны ахырхарҭала аҭирақәа бзианы иахьымҩаҧысуазы. Иара убас даҽа туроператор дуки ҳареи ҳаиқәшаҳаҭны ҭагалантәи амзақәа рзы атурқәа рымҩаҧгара ҳалагараны ҳаҟоуп.

Аҧхынтәи акурорттә аамҭазы атуристцәа еиҳарак амшын азы излаауа ала, изықәнагоу аусбарҭақәа аплиажтәи аекскурсиатәи туризм хкқәа ҷыдала хшыҩзышьҭра арҭароуп. Бжьаратәла 8 мшы ҧсшьара иаауа атурист 6 мыш аплиаж аҟны ихигоит, убри аҟнытә зҿлымҳара ду рыҭатәуп аплиаж, амшын аҧшаҳәа, апаркқәа, хымҧада, аекскурситә ныҟәарақәа.

Иазгәаҭатәуп, раҧхьаӡакәны аусура ишалагаз хәыда-ҧсада ацәаҳәа ласы, ари ацәаҳәала атуристтәцәа рызҵаарақәа рҭакқәа ҟарҵалоит Аминистрра аусзуҩцәа. Ари зыҟаҵаз ацәгьоурақәа рҿагыларазоуп аханатә, аха ҳара уи инацҵаны егьырҭ азҵаарақәа рҭакқәа рыҟаҵарагьы ҳазхиоуп. Иара убас акассақәа, аекскурсиамҩаҧгаҩцәа рыла аныҟәарақәа раан, аҳәааҟны ҳтуристтә обиектқәа ирызку аинформациа, зыҧшра зымуа аҭагылазаашьақәа рзы аҭелқәа зну акьыҧхьтә ҭыжьымҭақәа рыларҵәара ҳалагоит.

Ҳазҭагылоу аамҭазы ахыркәашарахь инеит аекскурсиамҩаҧгаҩцәа зхысуа аттестациақәа. Ари аусура аекскурсиатә маҵзурақәа рхаҭабзиара аиҕьтәра иазкуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа