Ажәабжьқәа

Популярное

Ажурналист Гарри Дбар игәалашәара иазкны астол гежь Аҟәа ақалақь аҿы имҩаҧысит

335
07.11.2019 12:55
Ажурналист Гарри Дбар игәалашәара иазкны астол гежь Аҟәа ақалақь аҿы имҩаҧысит
Иахьа иҧсы ҭазҭгьы 60-шықәса ихыҵуан Аҧсны зҽаҧсазтәыз ажурналист Гарри Дбар.

Аҟәа. Абҵарамза 7. Аҧсныпресс. В. Арӡынба ихьӡ зху Арратә Ахьӡ-Аҧша амузеи аҿы Аҧсны зҽаҧсазтәыз ажурналист, акыршықәса инеиҧынкыланы аҧсуа радио напхгара азҭоз, иара убас адырраҭара “Аӡыхь” автор Гарри Дорофеи-иҧа Дбар игәалашәара иазкны астол гьежь мҩаҧысит. Аусмҩаҧгатә Аҧсны ажурналистцәа Реидгылара ала еиҿкаауп.

Аусмҩаҧгатә аартуа, Аҧсны ажурналистцәа Реидгылара ахантәаҩы Руслан Ҳашыг иазгәеиҭеит: “Гарри Дбар ҳақәла, ҳҩыза, ҳколлега иакәын. Гарри дышҳалагылам ахахьы аагара цәгьоуп. Иахьа уи иҧсы ҭазҭгьы 60-шықәса ихыҵуан. Аха уи ус илахь ианызар акәхарын. Гарри Дбар иҧсҭазаара кьаҿ иалагӡаны ажурналистикаҿы аума, аҭацәараҿы аума, уаҩык иаҳасабала аума дзыхьӡаз акыр ирацәоуп. Ипрофессионализми, иааӡареи, иаамсҭашәареи, аҧсуа культура аганахьала имаз хәызмаӡам адыррақәеи ирыбзоураны, инапы злаикуаз зегьы ақәҿиарақәа ацын. Иаҧҵамҭақәа иреиҳаз адырраҭара “Аӡыхь” акәын. Уи иахьагьы актуалра аҵоуп”.



Ажурналист Оҭар Лакрба убасҵәҟьа Гарри Дбар еиҧш ауаҩы иҩызара акыр иаҧсоуп ҳәа иазгәеиҭеит. “Иара акыр иҭышәынтәалаз, зхымҩаҧгашьа иацклаҧшуаз уаҩын. Сара сакәзар, даҽакала сыҟан – амчхара змоу, зцәаныррақәа хыжжыло уаҩуп. Аӡәырҩы иџьаршьон, абас уаҩышьала еиҧшым ауаа аиҩызара зларыбжьалеи рҳәон”, – ҳәа игәалаиршәеит Оҭар Лакрба.


(АП): Гарри Дбар диит Гәдоуҭа араион Мгәыӡырхәа ақыҭан. Иқыҭа гәакьа аҿы абжьаратәи ашкол далгеит. 1976 шықәса рзы Аҟәатәи апедагогикатә институт афилологиатә факультет дҭалеит.2005 шықәса инаркны Гарри Дбар Аҧсны аҳәынҭқарратә радио аҿы аус иуан. Уи арахь дымҩахыҵит 1980 шықәса рзы. Усҟан иара 22 шықәса ракун ихыҵуаз. Раҧхьа акорреспондент иаҳасабала аус иуан, анаҩс – аредактор еиҳабыс. Гарри Дбар арадио аҿы аусуреи ателехәаҧшра аҿы аусуреи еилеигӡон. Акыр ипопулиарны иҟан уи иаҧиҵаз, ақыҭанхамҩа, аҧсуа қыҭа, аҧсуа жәлар рыбзазареи рыдгьыл гәакьеи абзиабара алааӡара иазкыз автортә дырраҭара “Аӡыхь”. Уи иара убас аекологиатә дырраҭара “Ажәеиҧшьаа” аредактор хадас дыҟан. Гарри Дбар – Аҧсны Аџьынџьтәылатәи еибашьра далахәын. Ҩынтә (1996, 2010 шш.) Аҧсны ажурналистцәа Реидгылара апремиа ианашьан.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа