Ажәабжьқәа

Популярное

Башар Аль-Асад: Шьамтәыла иҟалаз акризис аӡбараҿы амилаҭтә диалог ала адгыларазы ҭабуп ҳәа шәасҳәоит

169
09.11.2017 16:38
Башар Аль-Асад: Шьамтәыла иҟалаз акризис аӡбараҿы  амилаҭтә диалог ала адгыларазы ҭабуп ҳәа шәасҳәоит
Шьамтәылатәи Арабтәи Ареспублика Апрезидент Башар Аль-Асад Аҧсны Аҳәынҭқарра Ахада Рауль Ҳаџьымба иахь асалам шәҟәы ааишьҭит. 

Аҟәа. Абҵарамза 9. Аҧсныпресс. Шьамтәылатәи Арабтәи Ареспублика Апрезидент Башар Аль-Асад Аҧсны Аҳәынҭқарра Ахада Рауль Ҳаџьымба иахь Шьамтәыла Апрезидент иира Амш инамаданы иҟаиҵаз адныҳәалареи Шьамтәыла ажәлар рзыҟазаареи рзы аџьшьаратә  шәҟәы ааишьҭит. 

Аџьшьаратә шәҟәы аҿы ахәҭакахьала иазгәаҭахеит: 

“Иаашәышьҭыз аҳәамҭа санаҧхьа, сара еилыскааит Шәара сыҧсадгьыл аҿы имҩаҧысуа атәы зеиҕьаҟам ала ишышәдыруа, еиҳарак, ажәларқәа рыбжьара атерроризм ашәарҭара ада аусеицуреи адиалоги рмыцхәрас, зхы иақәиҭу ажәларқәа рҿахәы аҿаҧҽра иазырхоу аполитика мҩаҧызго атәылақәа  рзы адыррақәа ртәы. 

Ҳара ҳар аганахьала Шәара иаанышәкыло апозициа, иара убас, атерроризм аҿагылараан ҳарбџьармчқәеи уи адгылара рызҭо амчқәеи реихьӡарақәа ирышәҭо ахәшьареи акырӡа ахә ҳаракны иаҳшьоит.  Шьамтәыла иҟалаз акризис аӡбараҿы  амилаҭтә диалог ала адгыларазы ҭабуп ҳәа шәасҳәоит”. 

Аҵыхәтәаны, Башар Аль-Асад Аҧсны Аҳәынҭқарра иқәынхо ажәлар зегьы аизҳазыҕьареи ақәҿиара дуқәеи рзеиҕьаишьеит. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа