Ажәабжьқәа

Популярное

Даур Ақаҩба: Урыстәыла адипломатиатә Маҵзура азанааҭдырреи апатриотизми ахаангьы аҧхьа изыргыло адипломатцәа ирызгәдузар алшоит

6426
10.02.2020 12:58
Даур Ақаҩба: Урыстәыла адипломатиатә Маҵзура азанааҭдырреи апатриотизми ахаангьы аҧхьа изыргыло адипломатцәа ирызгәдузар алшоит
Аҧсны адәныҟаполитикатә Хылаҧшырҭа ахада Даур Ақаҩба адипломатиатә усзуҩ Имш инамаданы Урыстәыла адәныҟатәи аусқәа Рминистрра ахь адныҳәаларатә шәҟәы дәықәиҵеит. 

Аҟәа. Жәабранмза 10. Аҧсныпресс. Аҧсны адәныҟатәи аусқәа рминистр Даур Ақаҩба адипломатиатә усзуҩ Имш инамаданы Урыстәыла адәныҟатәи аусқәа рминистр Сергеи Лавров ихьӡала адныҳәаларатә шәҟәы ишьҭит. 

Адныҳәаларатә шәҟәы аҿы, ахәҭакахьала иазгәаҭоуп: 

«Урыстәыла адипломатиатә Маҵзура азанааҭдырреи апатириотизми ахаангьы аҧхьа изыргыло адипломатцәа ирызгәдузар алшоит.

Иахьа жәларбжьаратәи аҭагылазаашьа аҿы  ишьақәгыланы иҟоу аибырххара Аҧсадгьыл аитересқәа рыхьчараҿы иҷыдоу ала аусура ахәҭаны иҟоуп. Урыстәыла иамоу адипломатиатә иааирақәа Урыстәылатәи Афедерациа азы мацара акәымкәа, иааизакны жәларбжьаратәи арена аҿы аҭынчреи аҭышәынтәалареи реиқәырхара азы акырӡа аҵанакуеит».  

Урыстәылатәи Афедерациа иахьа акыр иуадаҩу азҵаарақәа рыӡбараҿы аиҿцәажәарақәа рынагӡаразы хра злоу аҧшьгарақәа  мҩаҧнагоит. Уи урыстәылатәи адипломатиа жәларбжьаратәи аилазаара аҿы иамоу аҳаҭыр ҩаҧхьа иарҵабыргуеит. 

Аҧсны Аҳәынҭқарреи Урыстәылатәи Афедерациеи ирыбжьоу астратегиатә еиҩызареи аусеицуреи конкретла игәылҭәаауп, уи аҩ-ҳәынҭқаррак рыжәларқәа рзы хра злу акакәны иҟоуп. Агәра ганы сыҟоуп ҳҳәынҭқаррақәа ирыбжьоу аимабзиаратә еизыҟазаашьақәа, анапхгарабжьаратәиқәагьы уахь иналаҵаны конструктивла аҿиара шаиуо. 

Ари аныҳәатә мшы аҽны, ҳаҭыр зқәу Сергеи Виктор-иҧа, Шәара аҧхьа шәнаргыланы урыстәылатәи адиломатцәа зегьы ирзеиҕьасшьар сҭахуп аусураҿы ақәҿиарақәеи аманшәалареи аизҳазыҕьареи!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа