Ажәабжьқәа

Популярное

Денис Ҵабриа: аҭицәа зегьы раалыҵ ахаҭабзиара зырҵабырго асертификатқәа рымазар ахәҭоуп

85
16.07.2019 14:26
Денис Ҵабриа: аҭицәа зегьы раалыҵ ахаҭабзиара зырҵабырго асертификатқәа рымазар ахәҭоуп
Аҧсны аҳәынҭқарратә стандарти аҳәынҭқарратә ҳазылхратә Еилаки акарпыжәи ашьынкеи ркультурақәа римпорт ахаҭабзиареи астатистикеи рзы иҟарҵо адыррақәа.

Аҟәа. Ҧхынгәымза 16. Аҧсныпресс. Ҭамара Ачҧҳа. Аҧсныпресс акорреспондент астандартқәеи аенергетикатәии атехникатәии ахылаҧшра азы аҳәынҭқарратә Еилаки аҳәынҭқарратә ҳазылхратә Еилаки рҿы аҭирахьы инагоу акарпыжәқәеи ашьынкақәеи рхаҭабзиареи, иара убас урҭ ҧхынгәымза иалагӡаны анҭыҵынтәи раагара астатистикеи рзы адыррақәа ирҭеит.

Убас, атандартизациеи, асертификациеи, аккредитациеи рзы Адепартамент анапхгаҩы Денис Ҵабриа, уажәазы амҩақәа рҿықәан акарпыжәқәеи ашьынкақәеи рыла ахәаахәҭра активла иаатит ҳәа адырра ҟаиҵеит.

Убри аан, акарпыжәқәа рхаҭабзиара астандартқәа есымша ирықәшәо иҟам. “Агәаҭарақәа лассы-лассы имҩаҧгахоит. Астандарт инақәыршәаны, аҭицәа зегьы раалыҵ ахаҭабзиара зырҵабырго асертификатқәеи анормативтә усшәҟәқәеи рымазар ахәҭоуп. Аха, ишаабо еиҧш, адокументқәа зегьы еиқәыршәаны измоу рацәаӡам.

Аилагарақәа анаарҧшхалак ашьҭахь, ҳара агхақәа рырҽеиразы азҧхьанҵақәа еиқәҳаршәоит, ианаҭахха азы, аҭагылазаашьа авидео ала иҭаҳхоит”, – ҳәа адырра ҟаиҵеит иара. Убри аан, Денис Ҵабриа, иҳаҩсыз ашықәс иаҿырҧшны уахәаҧшуазар, аилагарақәа рхыҧхьаӡара иацымлаӡеит ҳәа иазгәеиҭеит. Уи иажәақәа рыла, уажәы аҭыҧантәи акарпыжәқәеи ашьынкақәеи рыҭира иалагахьеит. “Аҵыхәтәаны ҳара анҭыҵынтәи иаагоу акарпыжәқәеи ашьынкақәеи ргәаҭара мҩаҧаагон. Урҭ ирылоу анитратқәа анорма аҵкыс еиҳан”, – ҳәа инаҵшьны иазгәеиҭеит иара.

Аҧсны аҳәынҭқарратә ҳазылхратә Еилакы иҟанаҵо адыррақәа рыла, ҧхынгәымза, 2019 шықәса иалагӡаны анҭыҵынтәи иаагоу акарпыжәқәа 314 303 кьыла рҟынӡа инаӡоит. Убри аан, ҧхынгәымза, 2018 шықәса иалагзаны анҭыҵынтәи арахь иааган 352 642 кьыла акарпыжә.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа