Ажәабжьқәа

Популярное

Дырмит Гәлиа ихьӡ зху алитература-мемориалтә музеи Жәларбжьаратәи афестиваль “Интермузей-2019” ахы аланархәуеит

207
22.05.2019 14:14
Дырмит Гәлиа ихьӡ зху алитература-мемориалтә музеи Жәларбжьаратәи афестиваль “Интермузей-2019” ахы аланархәуеит
Ацәыргақәҵа атема – “Аҧснытәии урыстәылатәии ашәҟәыҩцәа ркультуратә еимадара”.

Аҟәа. Лаҵарамза 22. Аҧсныпресс. Лаҵарамза 30 инаркны рашәарамза 2 рҟынӡа, Москва ақалақь, ацәыргақәҵатә зал Хада “Манеж” аҿы Жәларбжьаратәи афестиваль “Интермузей-2019” мҩаҧгахоит.

Афестиваль ахы аланархәуеит Дырмит Гәлиа ихьӡ зху алитература-мемориалтә музеи. Ацәыргақәҵа атема – “Аҧснытәии урыстәылатәии ашәҟәыҩцәа ркультуратә еимадара”.

Жәларбжьаратәи амузеиқәа рфестиваль “Интермузей-2019” – Урыстәыла ашықәс иалагӡаны амузеи аҧсҭазаара аҿы зегьы реиҳа ихадоу хҭысуп. Уи аспециалистцәа рзы адагьы, хыҧхьаӡара рацәала аҭааҩцәеи рзы акырӡа аанагоит.

Афестиваль аструктура традициала иалагалоуп аекспозициатә хәҭа, аусуратәи акультуратә программақәа, иара убас амузеиқәа-алахәылацәа рзы аконкурс.

Есышықәса Афестиваль еиднакылоит Урыстәыла, ааигәатәии анҭыҵтәи аҳәаанырцәтәи атәылақәа рҟынтәи 400 рҟынӡа амузеиқәеи, иара убас азанааҭтә усуратә программа аусмҩаҧгатәқәа зхы алазырхәуа 3 000 инарзынаҧшуа  амузеи аспециалистцәеи.

Афестиваль Урыстәылатәи Афедерациа акультура Аминистрра 1999 шықәса инаркны имҩаҧнагоит.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа