Ажәабжьқәа

Елена Атиопина: аолеандрқәа асанитартә еилыхра хәы-шықәса рахь знык еиҵамкәа амҩаҧгара хымҧадатәиуп

653
11.12.2019 17:09
Елена Атиопина: аолеандрқәа асанитартә еилыхра хәы-шықәса рахь знык еиҵамкәа амҩаҧгара хымҧадатәиуп
Аҳҭнықалақь аҿы аолеандрқәа реилыхра мҩаҧысуеит.

Аҟәа. Ҧхынҷкәынмза 11. Аҧсныпресс. Дамеи Касланӡиа/Аманда Касланӡиа. Аҳҭнықалақь аҿы аолеандрқәа реилыхра мҩаҧысуеит. Аекологиеи аҧсабара ахьчареи рзы аҳәынҭқарратә Еилакы ахантәаҩы Савели Ҷыҭанааи Аҟәа ақалақь Ахадара акоммуналтә Усбарҭа анапхгаҩы ихаҭыҧуаҩ Елена Атиопинеи иарбоу аусура амҩаҧгара шхымҧадатәиу атәы ажурналистцәа ирзеиҭарҳәеит.

Савели Ҷыҭанаа: “Аолеандр – ҳара ҳаҧсабаратә ҭагылазаашьа зеиҕьаҟам ала изнаалаз адгьылбжьарамшнынтә ҵиаауп. Арҭ аҵиаақәа есышықәса еилыхлатәуп, аха еиуеиҧшым амзызқәа ирхырҟьаны, ас еиҧш аусурақәа абар шьҭа ҩы-шықәса инареиҳаны имҩаҧгаӡамызт. Аҳҭнықалақь Ахадара ҳара ҳахь ашәҟәы аанашьҭит, ҳара ҳакәзар, уи азы иахәҭоу алкаа ҟаҳҵеит. Иарбоу аусмҩаҧгатә аҵиаақәа рзы акыр ихырҳагахоит".



Елена Атиопина убасҵәҟьа аҵиаақәа реилыхра иаҵоу аҵакы дахцәажәеит: “Аолеандрқәа акыр еизҳаит, ачымазарагьы иалагеит. Зегьы раҧхьаӡа иргыланы, арҭ аусурақәа амҩақәа рҿы аныҟәара арманшәалареи, ашәарҭадареи рзы ихымҧадатәиуп, избан акәзар, урҭ лассы-лассы алаҧшҳәаа иаҧырхагахоит. Арҭ аҵиаақәа асанитартә еилыхра хәы-шықәса рахь знык еиҵамкәа амҩаҧгара хымҧадатәиуп. Аиашазы, уажәазы аолеандрқәа рҭеиҭыҧ зынӡагьы улаҧш адхало иҟам, аха уи зегьы аамҭалатәуп, ааҧынра аламҭалазы ахҿарах гылоит, аҵиаақәа ашәҭыкакаҷра иалагоит”. 

Елена Атиопина иҟалҵаз адыррақәа рыла, аолеандрқәа реилыхра аҳҭнықалақь аҧшаҳәа аҿы имҩаҧгоуп, ҩаҧхьа аусурақәа Леон имҩаду ала ирыцҵахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа