Ажәабжьқәа

Популярное

Ешсоу Какалиа Аслан Бжьаниа игәабзиара аҭагылазаашьа азы: ахарахара афакт шьақәырҕәҕәаӡам, даҽакала иуҳәозар, уи мап ацәкуп

149
05.06.2019 13:56
Ешсоу Какалиа Аслан Бжьаниа игәабзиара аҭагылазаашьа азы: ахарахара афакт шьақәырҕәҕәаӡам, даҽакала иуҳәозар, уи мап ацәкуп
Аҧсны апрокуратура Хада Апарламент адепутатцәа рҿаҧхьа, адепутат Аслан Бжьаниеи ,уи ицхырааҩцәеи ргәабзиара аҭагылазаашьа аилкаара азы имҩаҧгоу аусуреи, еизгоу аматериалқәеи рзы аҳасабырба ҟанаҵеит.

Аҟәа. Рашәарамза 5. Аҧсныпресс. Мадина Чагәааҧҳа. Аҧсны апрократура Хада аусеилыргаратә гәыҧ иалоу х-ҩык  аусҭҵааҩцәеи, урҭ рнапхгаҩы, апрокурор хада ихаҭыҧуаҩ Ешсоу Какалиеи Москвантәи ихынҳәит. Урҭ Москваҟа рцара зызкыз Аҧсны Жәлар Реизара – Апарламент адепутат Аслан Бжьаниеи, уи ҩыџьа ицхырааҩцәеи иаалырҟьаны ргәамбзиара ҵаҵҕәыс иамаз аилкаара иазкыз аусмҩаҧгатәқәа рымҩаҧгара иазырхан. Аусуратә ныҟәара алҵшәақәа рзы аусеилыргаратә гәыҧ Апарламент адепутатцәа рҿаҧхьа аҳасабырба ҟарҵеит.

Убас, Ешсоу Какалиа адепутатцәа ириҭаз адыррақәа рыла, аусеилыргаратә усмҩаҧгатәқәа раан, Аслан Бжьаниа иҧшәма ҧҳәыси иҷкәыни, ицхырааҩцәа Кьасоу Дарсалиеи Леуан Бжьаниеи, иара убас урҭ рчымазара ашьақәыргылареи рыхәышәтәреи назыгӡоз амедицинатә усзуҩцәеи рҿахәы рҿыхын. “Имҩаҧгаз агәаҭара аобиективреи, инҭырҳәацааны анагӡареи хықәкыс иҟаҵаны, Аҧсны апрокуратура Хада Урыстәылатәи Афедерациа азинхьчаратә усбарҭақәа рахь Аҧсны Жәлар Реизара – Апарламент адепутат Аслан Бжьаниеи, уи ҩыџьа ицхырааҩцәеи иаалырҟьаны ргәамбзиара ҵаҵҕәыс иамаз аилкаара иазкыз аусеилыргаратә усмҩаҧгатәқәа Урыстәыла иахьаҵанакуа рынагӡаразы азинтә цхырааразы азыҳәамҭа дәықәҵахеит. Аусеилыргаратә усмҩаҧгатәқәа зегьы ҳара Урыстәылатәи Афедерациа апркуратура Хада ахаҭарнаки, аклиника аиуристтә абжьгаҩи алархәны имҩаҧаагон, – ҳәа алкаа ҟаиҵеит иара.

Ешсоу Какалиа ишазгәеиҭаз ала, адиагнозқәеи, иаарҧшыз аматериалқәеи, аҳақьым-токсикологи ахәышәтәра назыгӡо аҳақьыми рыҿцәажәарақәеи инарықәыршәаны иҟаҵаз алкаа ала, ахарахара афакт шьақәырҕәҕәаӡам, даҽакала иуҳәозар, уи  мап ацәкуп. Убри аан, Аслан Бжьаниеи уи ицхырааҩцәеи рдиагнозқәа еиҧшӡам. “Уажәазы Кьасоу Дарсалиеи Леуан Бжьаниеи рчымазара ахҳәаақәа рыла комплексла аӡбара-медицинатә експертиза амҩаҧгара хымҧадатәины иҳаҧхьаӡоит. Аслан Бжьаниа ичымазара ахҳәаа акәзар, уи ҳаҭара, аҳақьымтә маӡа азы Азакәан инамаданы мап ацәкын. Иазгәаҭатәуп, Аслан Бжьаниа иақәшаҳаҭрала уи идиагноз – Гиена-Барре асиндром (апотологиатә антимаҭәашьарқәа рҧыжәара иахҟьаны, ацәеиижьхәҭақәа злашьақәгылоу хра злоу ахацқәа аҷалреи, анаҩс уи аҧхасҭатәреи (аилаҳареи) зырҿио ачымазара ҕәҕәа) зныз ашәҟәы ҳара иҳаҭан, аха уи ичымазара ахҳәаа ҳнапаҿы изыҟамлаӡеит”, – ҳәа иҳәеит иара.

Иара убас, Ешсоу Какалиа иазҧхьагәаҭоу аусмҩаҧгатәқәа дрылацәажәеит: “Акомплекстә аӡбара-медицинатә експертиза аихшьаалатә хҳәаа ҳаураны ҳаҟоуп. Аха уи азы Аслан Бжьаниа ицәеижьхәҭа ахацыркыра ҳамазароуп. Иара убас, Аслан Бжьаниа игәы аныбааҧсха аамҭазы дахьыҟаз инхарҭа ахь анеира азы алшара ҳамазароуп. Уи азы иахәҭоу аусура мҩаҧаагоит.  Ҳара Урыстәылатәи Афедерациа апрокуратура Хада ахь зынагӡара хымҧадатәиу аусмҩаҧгатәқәа рсиа зцыз  азыҳәамҭа дәықәаҳҵеит. Иара убас, Аслан Бжьаниа ицыз ауаа иҿыцны рҿахәы рымаҳхыроуп. Уажәазы ашьаусеилыргара ахацыркразы ҵаҵҕәы ыҟаны иаабом. Аусмҩасратә гәаҭара иацҵоуп”, – ҳәа иажәа хыркәшо инаҵшьны иазгәеиҭеит Аҧсны апрокурор Хада ихаҭыҧуаҩ Ешсоу Какалиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа