Ажәабжьқәа

Популярное

Гәдоуҭа ақалақь, Март 4 амҩаду аҿы ацҳа еиҭашьақәыргылоуп

139
19.07.2019 16:04
Гәдоуҭа ақалақь, Март 4 амҩаду аҿы ацҳа еиҭашьақәыргылоуп
Аҳәынҭқарра Ахада Гәдоута араион аҿы аусуратә ҭаара мҩаҧигеит.

Аҟәа. Ҧхынгәымза 19. Аҧсныпресс. Дамеи Касланӡиа. Аҧсны Аҳәынҭқарра Ахада Рауль Ҳаџьымба Гәдоуҭа ақалақь ахь иусуратә ҭаара аҳәаақәа ирҭагӡаны, Гәдоуҭа ақалақь, Март 4 амҩаду  аҿы еиҭашьақәыргылоу ацҳа ҿыц гәеиҭеит. Аусурақәа Ареспубликатә биуџьеҭ ахархәагақәа рыла имҩаҧган.

Ақалақь аҿы инхо Заур Ҳаразиа иажәақәа рыла, ари апроблема ыҟеижьҭеи крааҵуан: “Иажәыз ацҳа уақәгәыҕыртә иҟамызм, ақәыршҩы ашьҭахь аӡы хыҵуан, аҩнқәа ирыҩналон. Аӡы метрак аҟынӡа ихалон. Шәкы рҟынӡа аҩнқәа аӡхыҵраан аҧхасҭа роуан. Уажәы ҳара Анцәа иџьшьаны ацҳа ҿыц ҳауит, апроблемагьы аҭыҧ иқәҵахеит”.

Аҳәынҭқарратә Еилакы “Аҧсны аҟәара ахьчара” адиректор ихаҭыҧуаҩ Алиас Сангәлиа имҩаҧгаз аусура азы аҳасабырба ҟаиҵеит: “Ацҳа ҿыц ргылоуп, ажәытә уақәгәыҕуа иҟамызт, аӡы аиасра иаҧырхаган. Ҳара иара убас 30 метра рҟынӡа инаӡо аҵыргәатә ҭӡы шьақәҳаргылеит, аӡы аиасразы аҭҳәаа ҳарҭбааит. Уажәшьҭа аҩнқәа аӡы рыҩнамлароуп. Аобиект ахарџьынҵа Иназыццоу Ахәҧса Ашәахтә  ҳасаб азуны, 10 миллионки 500 нызықь мааҭ рҟынӡа инаӡоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа