Ажәабжьқәа

Гагратәи абжьаратәи ашкол №1 ҭагалантәи аҧсшьарамшқәа рышьҭахь ахархәарахь ирыҭахоит

25
03.09.2019 11:40
Гагратәи абжьаратәи ашкол №1 ҭагалантәи аҧсшьарамшқәа рышьҭахь ахархәарахь ирыҭахоит
Аобиект аргылара Аинвестпрограмма аҳәаақәа ирҭагӡаны ҩы-шықәса раҧхьа ихацыркхеит.

Аҟәа. Цәыббрамза 3. Аҧсныпресс. Ҩы-шықәса раҧхьа, Аҧсны асоциал-економикатә ҿиара ацхыраара иазку Аинвестициатә программа аҳәаақәа ирҭагӡаны ихацыркыз Гагратәи абжьаратәи ашкол №1 шьаҭанкыла аргылара ҭагалан ихыркәшахоит. Абри атәы аанацҳауеит Гагра араион Ахадара. Убри аан уи иазхьаҧшуеит апрораб хада Ҭеимураз Ҵкотуа иҟаиҵаз адыррақәа.

Уаанӡа иҟаҵаз адыррақәа рыла, ашкол рхиахар акәын аҵарашықәс ҿыц алагара аламҭалазы. Аха, Ҭеимураз Ҷкотуа иажәақәа рыла, аҧхын агәазы иҟаз амшцәгьакәа ирыхҟьаны шьаҭанкылатәи аргылара аамҭа еиҵахеит.

Ҭеимураз Ҷкотуа адырра ҟаиҵеит: “Иахьа 90% рҟынӡа аусура нагӡоуп. Ҭыҧқәак рҿы аҭыӡқәа нагӡатәуп, акабинетқәа рҿы алинолиум шьҭаҵатәуп, адәныҟатәи аусқәагьы маҷк аанханы иҟоуп. Ашкол адәы ариашареи, хаҳәцәыла ахҟьареи, акаҭран ақәҵареи мҩаҧгатәуп. Уажәы ашколтә ҩнымаҭәа, атехника, аинвентарь аагара мҩаҧысуеит. Аплан инақәыршәаны аобиект ҭагалантәи аҧсшьарамшқәа рышьҭахь ахархәарахь ирыҭахоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа