Ажәабжьқәа

Популярное

Иахьа иҟан аибашьра: 27 шықәса раҧхьа иалагеит Аҧсны аџьынџьтәылатәи еибашьра

871
14.08.2019 09:30
Иахьа иҟан аибашьра: 27 шықәса раҧхьа иалагеит Аҧсны аџьынџьтәылатәи еибашьра
Аҭоурыхҭҵаарақәа рдоктор Аслан Аҩӡба нанҳәамза 14, 1992 шықәса амш атәы далацәажәеит.

Аҟәа. Нанҳәамза 14. Аҧсныпресс. 27 шықәса раҧхьа, нанҳәамза 14, 1992 шықәса рзы, Аҧсны Қырҭтәыла аҳәынҭсовет аруаа  алалеит, 413 мшы имҩаҧысуаз, цәыббрамза 30, 1993 шықәсазы  аҧсуа жәлар Риааирала ихыркәшахаз Аҧсны аџьынџьтәылатәи еибашьра алагеит.



“Усҟан ҳара ииашоу апозициа аанызкылаз, ажәлар рахь аҧсадгьыл ахьчаразы ааҧхьара ҟазҵаз  аҧыза ҕәҕәа дҳаман. Владислав Арӡынба хацәнымырха аҕа иҿагылара азы иҟаиҵаз ааҧхьара ҳара анаҩс иаагаз Аиааира иахыҵхырҭаны иҟалеит. Уи ааҧхьареи хаҭала иареи ажәлари иҟарҵаз анаҩстәи ашьаҿақәеи рыда Аиааирагьы ҟамлар алшон. Ари Амш – ҳаамҭазтәи Аҧсны аҭоурых адаҟьақәа зегь реиҳа илахьеиқәҵагоу мшны ирнылеит, аха иара убри аамҭазгьы ҳара хымҧада иаҳдыруазар ахәҭоуп, атрагедиеи афырхаҵареи рышьхәа шеивҵоу. Уи ус изысҳәогьы, нанҳәамза 14 аџьынџьтәылатәи еибашьра алагара амш адагьы, ҳара ари аибашьра аҿы иаагаз Аиааира иамшыны иҟоуп азы ауп”, – ҳәа Аҧсныпресс акорреспондент диҿцәажәо инаҵшьны иазгәеиҭеит Аслан Аҩӡба.

Аҵарауаҩ ишазгәеиҭаз ала, Аҧсны Қырҭтәыла аилазаараҿы ианыҟаз аамҭазы инымхоз аҿар реиҳараҩык ахьыҧшымра – ари ҟамлашьа змам акакәны ишыҟоу, аха даара ирацәаҩны зыҧсҭазаара ахҭынҵаны иаагоуп акакәны иахәаҧшуеит.

“Ахьыҧшымра – ауаҩы изы зегьы реиҳа ихәдуу, зегьы реиҳа ихадоу ауп. Убри аҟнытә, ҳара ҳхы ҳақәиҭны ҳаҟазар ҳҭахызар, уи аагареи ахьчареи ҳазхиазароуп. Уи аибашьра мацара акәӡам изыдҳәалоу, аибашьрашьҭахьтәи аамҭагьы иаҵанакуеит. Ҳара аибашьреи уи иацааиуаз аамҭеи иадҳәалоу зегьы шҭыурыху аадыруазар ауп, фактк иадамзаргьы еилаҳкаараны ҳаҟам, уи аҟалара мзыстә шьаҭас иамаз еилаҳкаанӡа.  Ҳара еилаҳкаауазар ауп, аибашьра ианалагаз амш инаркны, уи анхыркәшахагьы, уи алагара ахыҵхырҭаҿы иҟаз апроблемақәа шнымҵәаз, џьара-џьарагьы урҭ иахьагьы, даҽа ҟазшьак рымазаргьы, актуалра рыҵаны иаанхоит. Иахьагьы ҳара ҳаҩныҵҟа ахьыҧшымра аилкаара иадҳәалоу апроблемақәа ҳамоуп ҳәа иахьысыҧхьаӡо ауп сара ас еиҧш аиҿырҧшрақәа зыҟасҵогьы”, – ҳәа инаҵшьны иазгәеиҭеит аҵарауаҩ Аслан Аҩӡба.



Аслан Аҩӡба игәаанагарала, аҧсуа жәлар ателехәаҧшратә версиеи, егьырҭ аинформациатә хархәагақәеи рҿы еиқәырханы иҟоу Владислав Арӡынба иҭынха иуадаҩу аҭагылазаашьақәа ралҵразы зеиҧшыҟам цхыраагӡаны иҟалар алшоит. “Владислав Арӡынба хәызмаӡам иҭынха – ари аамҭак ала аҕба аныҟәара шәарҭаданы иҟазҵо амҩақәҵагеи, ауаҩы изы акәзар, иагьа иуадаҩзаргьы аҭагылазаашьа лыҧхала алҵра зырманшәало аламыси раҳасабала ишьақәгыло цәырҵроуп”, – ҳәа инаҵшьны иазгәеиҭеит Аслан Аҩӡба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа