Ажәабжьқәа

Популярное

Иазҧхьагәаҭоу ахыдҵақәа рыӡбара зыҧшра ҟамҵакәа ихацыркызароуп: Кан Кәарҷиа Аҟәа ақалақь аҿы аинспекциатә гәаҭара мҩаҧигеит

285
05.11.2019 12:56
Иазҧхьагәаҭоу ахыдҵақәа рыӡбара зыҧшра ҟамҵакәа ихацыркызароуп: Кан Кәарҷиа Аҟәа ақалақь аҿы аинспекциатә гәаҭара мҩаҧигеит
Аҟәа ақалақь ахада инапынҵақәа назыгӡо иӡбамҭа ала, ақалақьтә нхамҩа аҿиареи анапхгараҭареи ирыдҳәалоу азҵаарақәа ирызкхоит имҩаҧгахараны иҟоу анҭыҵтәи аилатәарақәа.

Аҟәа. Абҵарамза 5. Аҧсныпресс. Аҟәа ақалақь ахада инапынҵақәа назыгӡо Кан Кәарҷиа анхамҩатә субиектқәа рнапхгаҩцәа алархәны имҩаҧигаз аилацәажәара аҿы адгьылхархәаратә ҭышәынтәалара, ақалақь асанитартә ҭагылазаашьа арҽеира, аҳҭнықалақь ахаҿра аиҕьтәра, уҳәа азҵаарақәа рыӡбара иазкын.

Убри аан, Кан Кәарҷиа инаҵшьны иазгәеиҭеит: “Ҳара аусбарҭақәа зегьы рҭакҧхықәра аихшара алҳаршароуп. Ас ауп аусураҿы аеффективра аарҧшра шалыршахо. Ақалақь иалаланы агәаҭарақәа мҩаҧгалатәуп, аҭыҧаҿы иҟоу апроблемақәа аарҧшны рыӡбара напы арктәуп. Иазҧхьагәаҭоу ахыдҵақәа рыӡбара зыҧшра ҟамҵакәа ихацыркызароуп”.

Иара убас, Кан Кәарҷиа ақалақь ахь аусуратә ҭаара мҩаҧигеит.  Аинспекциатә гәаҭара  алагеит Кьалашәыртәи ацҳа аҟынтәи. Аҳҭнықалақь ахада инапынҵақәа назыгӡо амҩа иаваршәны игылоу хылаҧшыда иныжьу, аихамҩа Аусбарҭа абаланс аҟны иҟоу ахыбрақәа рҭагылазаашьа ахшыҩзышьҭра аиҭеит. Уи ас еиҧш аҭагылазаашьа ахыбрақәа зду асубиект анапхгаҩцәа алархәны иалацәажәатәуп ҳәа иазгәеиҭеит. “Ақалақь аҿы иҟоу аобиектқәа зегьы ахыбрақәа рымазароуп, аҧенџьыр, ашәқәа аҿазароуп, алашара нагазароуп”, – ҳәа иҳәеит иара. Кан Кәарҷиа ҳазҭоу ашықәс нҵәаанӡа, атерриториа, ахәтакахьала Кьалашәыртәи аихамҩатә вокзал ааигәа-сигәа иҟоу адгьылҵакыра арыцқьареи, арлашареи, ариаҵәареи рзы иахәҭоу аусбарҭақәа адҵа риҭеит.

Анаҩс, Кан Кәарҷиа Синоп аҳабла атерриториа аҭагылазаашьа гәеиҭеит. Аҳҭнықалақь ахада инапынҵақәа назыгӡо синоптәи аӡҭаларҭа аҿы арыцқьаратә усурақәа рынагӡаразы адҵа ҟаиҵеит: “Синоптәи аӡҭаларҭа аидарамҩангагатә машьынақәа раангыларҭаны аҟаҵара ҟалаӡом”. Кан Кәарҷиа аобиект ахархәареи ахылаҧшреи рзы зҭакҧхықәра ишахәҭоу ала иназмыгӡо асубиектқәеи ақалақь Ахадареи рыбжьара  ақьыратә еизыҟазаашьақәа ишеиҭахәаҧшхо азы адырра ҟаиҵеит.

Аҳҭнықалақь ахада инапынҵақәа назыгӡо иара убас ақалақь мрагыларатәи ахәҭа аҿы иҟоу ацҳақәа ҩба – Ацҳа Ҟаҧшьи Ацҳа Шкәакәеи рҭагылазаашьа гәеиҭеит. Уи араҟа аҳәира аҟынтәи арыцқьареи, аҳәынҭқарратә стандартқәа ирықәымшәо амҩатә ҧынгылақәа рықәгареи, амҩатә дыргақәа рышьақәыргылареи рзы адҵа ҟаиҵеит.  Арҭ ауснагӡатәқәа зегьы шьаҿа-шьаҿала амҩа-транспорттә машәырқәа рыҧхьырҟәҟәаара аус иацхраауеит ҳәа иазгәеиҭеит Кан Кәарҷиа. Уи иажәақәа рыла, ааигәа Ацҳа Ҟаҧшь аҿы игылоу аангыларҭақәа  реиҭашьақәыргыларатә усурақәа ирылагоит. Аусурақәа рфинанстәра ахахьы иагоит аҳҭнықалақь Ахадара.



Аусуратә ҭаара аҳәаақәа ирҭагӡаны, Аҟәа ақалақь Ахадара инапынҵақәа назыгӡо ақалақь аҿы иҟоу ашьаҟамҩақәа рҿы изакәанымкәа харабҕьара аобиектқәа ргылареи, аӡыргаратә ҧыракқәеи, идәылгоу ахәаахәҭразы аконструкциақәеи аргыламҭақәеи рҭагылазаашьа ҷыдала ахшыҩзышьҭра аиҭеит. Кан Кәарҷиа ақалақьргылара аҧҟарақәа ирықәымшәо аобиектқәа зегьы шықәгахо, насгьы идәылгоу ахәаахәҭреи абизнес маҷи реиҿкаара азы хазы аҭыҧ шалххо азгәеиҭеит.

Аинспекциа аихшьаалақәа рыла, Кан Кәарҷиа ақалақь асанитартә ҭагылазаашьеи аҭеиҭыҧши ргәаҭара иацҵахоит ҳәа иазгәеиҭеит. Иара убас, ақалақьтә нхамҩа аҿиареи анапхгараҭареи ирыдҳәалоу азҵаарақәа ирызкхоит имҩаҧгахараны иҟоу анҭыҵтәи аилатәарақәа жәпакы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа