Ажәабжьқәа

Популярное

Ихьыҧшым аҳәынҭқаррақәа Реиҩызара иалахәу аҳәынҭқаррақәа рыбжьара ахәаахәҭра-економикатә усеицура аҿиара аҿы илагала ду азы Геннади Гагәулиа “Ахьтәы медал” ианашьахеит

163
21.12.2017 15:52
Ихьыҧшым аҳәынҭқаррақәа Реиҩызара иалахәу аҳәынҭқаррақәа рыбжьара ахәаахәҭра-економикатә усеицура аҿиара аҿы илагала ду азы Геннади Гагәулиа “Ахьтәы медал” ианашьахеит
Аҳамҭа анашьара иадҳәалаз ацеремониа Урыстәылатәи Афедерациа Ахәаахәҭра-ааглыхратә Палатақәа рнаҧхгаҩцәа Рхеилак апленартә еилатәара аҳәаақәа ирҭагӡаны имҩаҧысит.

Аҟәа. Ҧхынҷкәынмза 21. Аҧсныпресс. Аҧсны Ахәаахәҭра-ааглыхратә Палата апрезидент Геннади Гагәылиеи уи ихаҭыҧуаҩ Ҭамила Мерцхәылааи Москва ақалақь аҿы имҩаҧысуаз Урыстәылатәи Афедерациа Ахәаахәҭра-ааглыхратә Палатақәа рнаҧхгаҩцәа Рхеилак апленартә еилатәара рхы аладырхәит.Уи ааиртит Урыстәылатәи Афедерациа Ахәаахәҭра-ааглыхратә Палата апрезидент Сергеи Катырин. 

Аилатәара амшхәаҧштә аҿы Жәларбжьаратәи акомерциатә бжьаҟазаратә ӡбарҭа (МКАС) аҧҵареи Урыстәылатәи Афедерациа Ахәаахәҭра-ааглыхратә Палатақәа рыҿгақәа аартреи, 2017 шықәсазы инагӡаз апроектқәа реихшьаалақәа рыҟаҵареи, 2018 шықәсазы иҟоу азҧхьагәаҭақәеи, уҳәа иахьрылацәажәоз атематикатә секциақәа алагалан. 

Апленартә еилатәара аҳәаақәа ирҭагӡаны, Урыстәылатәи Афедерациа Ахәаахәҭра-ааглыхратә Палата апрезидент Сергеи Котырин Ихьыҧшым аҳәынҭқаррақәа Реиҩызара иалахәу аҳәынҭқаррақәа рыхәаахәҭра-ааглыхратә Палатақәа рнаҧхгаҩцәа Рхеилак ахьӡала Ахәаахәҭра-ааглыхратә Палатақәа рнаҧхгаҩцәа фҩык “Ахьтәы медали” Ахәаахәҭра-ааглыхратә Палата ҩыџьа анаҧхгаҩцәа “Зҽалызкааз идырга I аҩаӡара” ранашьареи иадҳәалаз ацеремониа мҩаҧигеит. 

Зегьы раҧхьаӡа “Ахьтәы медал” ианашьахеит Аҧсны Аҳәынҭқарра Ахәаахәҭра-ааглыхратә Палата апрезидент Геннади Гагәылиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа