Ажәабжьқәа

Имҩаҧысит Ахада хантәаҩра ззиуаз акурорттә аамҭа иазкыз Аминистрцәа реилазаара аилацәажәара

75
17.05.2019 14:39
Имҩаҧысит Ахада хантәаҩра ззиуаз акурорттә аамҭа иазкыз Аминистрцәа реилазаара аилацәажәара
Аминистрцәа Реилазаара аҿы акурорттә аамҭа иазкыз аилацәажәара мҩаҧысит. Аилатәара хантәаҩра азиуан Аҧсны Ахада.

Аҟәа. Лаҵарамза 17. Аҧсныпресс. Дамеи Касланӡиа/Лана Ҵәыџьба. Аминистрцәа Реилазаара аҿы акурорттә аамҭа иазкыз аилацәажәара мҩаҧысит. Аилатәара хантәаҩра азиуан Аҧсны Ахада. Агәабзиарахьчара аминистр Ҭамаз Ҵахнакиа акурорттә аамҭа аламҭалазы имҩаҧгоу ауснагӡатәқәа ртәы далацәажәеит:

“Амедицинатә хылаҧшра аганахьала, ҳара ас еиҧш есышықәсатәи аусмҩаҧгатәқәа рымҩаҧгарызы аплан шьақәыргыланы иҳамоуп. Атуристцәа еиҳа иахьырацәоу Гагра араион аҟноуп, уантә иҳадҵаалогьы статистикала рхыҧхьаӡара еиҳауп. Аҧсшьара аамҭа ианасакьаҳәамҭоу уахыки-ҽнаки рыла иадҵаало рхыҧхьаӡара 150-ҩык рҟынӡа инаӡоит. Абри азы хырҧашьа змам ацхырааразы иара ахәшәтәырҭаҟны амаҵзура аусура ҳарҕәҕәоит. Иара убас урҭ ареспубликатә биуџьет ахарџьала ахәшәқәа, амедицинатә хархәагақәа рыла еиқәҳаршәоит, еиҳа иҳарҕәҕәоит афельдшертә ҳақьымтә бригадақәа. Ҳбиуџьет аҳәаақәа ирҭагӡаны араионтә хәшәтәырҭақәа еиқәҳаршәеит асанитартә транспорт ала, зыда ҧсыхәа ыҟам мыругала еибаҳҭеит, ари ацхыраразы хара ацара алнаршоит. Пицундатәи ахәшәтәырҭеи Цандрыҧшьтәи аполиклиникеи иара убас ацхыраара ласы аҟаҵара рылшоит. Графикла аҳақьымцәа дәықәаҳҵоит егьырҭ ахәшәтәырҭақәа рыҟнытә Гагратәи, Гәдоуҭатәи, иара убас еиҳа лассы-лассы иахьадҵаало ахәшәтәырҭақәа рахь. Иҳаҩсыз ашықәс азы 8 000-ҩык инареиҳаны атуристцәа хәыда-ҧсада амедицинатә цхыраара рыҭан”, – ҳәа адырра ҟаиҵеит агәабзиарахьчара аминистр Ҭамаз Цахнакиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа