Ажәабжьқәа

Популярное

Исидор Дочиа Ҭҟәарчал араион ахада инапынҵақәа рынагӡара идҵоуп

157
12.05.2020 18:11
Исидор Дочиа Ҭҟәарчал араион ахада инапынҵақәа рынагӡара идҵоуп
Уи азы Аусҧҟа инапы аҵаиҩит Аҳәынҭқарра Ахада Аслан Бжьаниа.

Аҟәа. Лаҵарамза 12. Аҧсныпресс. Аҧсны Аҳәынҭқарра Ахада Аслан Бжьаниа “Ҭҟәарчал араион ахада инапынҵақәа рынагӡаҩы изы” Аусҧҟа инапы аҵаиҩит.

Аусҧҟа атекст аҿы, ахәҭакахьала иазгәаҭоуп:
 
“Аҧсны Аҳәынҭқарра административтә-дгьылҵакыратә акрақәа напхгарарыҭаразы” Аҧсны Аҳәынҭқарра Азакәан ахәҭаҷ 24 инақәыршәаны, Ҭҟәарчал араион Администрациа ахада инапынҵақәа рынагӡаҩыс даҭазааит Дочиа Исидор Шьалодиа-иҧа”.
 

(АП): Дочиа Исидор Шьалодиа-иҧа диит хәажәкырамза 14, 1967 шықәса, Ҭҟәарчал ақалақь аҿы.

1985 шықәсазы Гәыҧтәи абжьаратәи ашкол далгеит.

1985-1987 шш. Асовет Еидгыла Арбџьармчқәа рҿы арратә маҵзура дахысуан.

1988-1992 шш. Аусдкылара инапы алакын.

1992-1993 шш. Аҧсны Аџьынџьтәылатәи еибашьра далахәын, “Леон” иордини, “Агәымшәаразы” амедали ианашьоуп.

1994-1998 шш. – Ҭҟәарчалтәи ачаӡырҭа азауад деиҳабын.

1999-2013 шш. – Зҭакҧхықәра Ҳәаақәҵоу Аилазаара “СКОРПИОН-1” адиректорс аус иуан.

2011 шықәсазы азанааҭ “Менеджмент организации” ала Урыстәылатәи аҳәынҭқарратә асоциалтә Университет далгеит.

2007-2015 . – Ҭҟәарчал араионтә Еизара адепутат.

2014 шықәса инаркны иахьа уажәраанӡа – Ареспубликатә унитартә Наплакы “ДД и Д” адиректор ихаҭыҧуаҩыс аус иуан.

2017 шықәса инаркны Аҧсны атәылахьчара Аминистрра 1-тәи Ахысратә полк (арезерв) акомандаҟаҵаҩыс дыҟоуп.

Арратә чын – аподполковник.

Дҭаацәароуп. Ҩыџьа ахшаара драбуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа