Ажәабжьқәа

Кан Кәарҷиа аҳҭнықалақь аҧшаҳәа аҭеиҭыҧш арҽеира азы

245
13.11.2019 14:54
Кан Кәарҷиа аҳҭнықалақь аҧшаҳәа аҭеиҭыҧш арҽеира азы
Аҧсны аҳҭнықалақь Аҟәа ахада инапынҵақәа назыгӡо Кан Кәарҷиа имҩаҧысыз апресс-конференциа аҿы аҳҭнықалақь аҧшаҳәа аҭеиҭыҧш арҽеира азы иазҧхьагәаҭоу аусмҩаҧгатәқәа дрылацәажәеит.

Аҟәа. Абҵарамза 13. Аҧсныпресс. Лана Ҵәыџьҧҳа. Аҧсны аҳҭнықалақь Аҟәа ахада инапынҵақәа назыгӡо Кан Кәарҷиа Аҧсны Аҳәынҭқарра амассатә информациа аусзуҩцәа Рассоциациа (АРСМИРА) аҿы имҩаҧысыз апресс-конференциа аҿы аҳҭнықалақь аҧшаҳәа аҭеиҭыҧш арҽеира азы иазҧхьагәаҭоу аусмҩаҧгатәқәа дрылацәажәеит.

Убас, Кан Кәарҷиа иажәақәа рыла, Аҟәа ақалақь ахада инапынҵақәа назыгӡо ихаҭыҧуаҩ Роман Шьоуа аҳҭнықалақь аҧшаҳәа зегьы аҭагылазаашьазы адефекттә акт аиқәыршәаразы анапынҵа иҭоуп: “Аколоннақәа реиҭашьақәыргыларагьы уахь иналаҵаны, ари апроект шьаҭанкылатәи аиҭашьақәыргылара ашәагаақәа арбазароуп. Аплафонқәа рыҧсахра мацара азхоит ҳәа агәаанагарагьы ыҟан, аха сара сгәаанагарала иаанханы иҟоу рыхкы иаҿырҧшны аиҧш-зеиҧшу аплафонқәа аҿаҵатәуп. Иара убас аҧшаҳәа амҩа хаҳцәыла ичаҧатәуп. Убасҵәҟьа аҧсшьареи анҭыыҵтәи ахәаахәҭреи рзы  иалху аҭыҧқәа еихшатәуп”. Убри аан, Кан Кәарҷиа амҩа злачаҧахахо ахаҳәцәы аҭҧантәи аҭыжьыҩцәа рҿы ишаахәахо азгәеиҭеит. “Аха урҭ раалыҵ ахаҭабзиара ацклаҧшра ҕәҕәаны иаҳҭоит”, – ҳәа инаҵшьны иазгәеиҭеит иара. 

Кан Кәарҷиа аҧшаҳәа аиҭашьақәыргылара азҵаара Аҳәынҭқарра Ахадеи аҧыза-министри рҿы иалацәажәан: “Аҧшаҳәа – аҳҭнықалақь азы ахырдыргабҕьыц иаҩызоуп, уи шьаҭанкыла аиҭашьақәыргылара ахарџь рацәаны иахьаҭаххо аҟнытә, Аинвестициатә Программа апроект иалагалатәуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа