Ажәабжьқәа

Популярное

Кан Кәарҷиа: сара ааигәа имҩаҧысраны иҟоу алхратә кампаниа схы шаласмырхәо азы аӡбамҭа сыдыскылеит

6314
11.02.2020 13:57
Кан Кәарҷиа: сара ааигәа имҩаҧысраны иҟоу алхратә кампаниа схы шаласмырхәо азы аӡбамҭа сыдыскылеит
Кан Кәарҷиа аҳәамҭа алаирҵәеит.  

Аҟәа. Жәабранмза 11. Аҧсныпресс. Аҟәа ақалақь Ахада инапынҵақәа назыгӡо Кан Кәарчия ааигәа имҩаҧысраны иҟоу алхратә кампаниа ихы шалаимырхәо азы аӡбамҭа  шидыкылаз азы аҳәамҭа алаирҵәеит:

«Аҵыхәтәантәи аамҭазы атәыла аҩныҵҟа ишьақәгылаз аҭагылазаашьа ҕәҕәала аҽеиҩшареи аиҿагылареи шыҟоу аанарҧшуеит. 

Аҧсны атәылауаҩ дарбанызаалак, абжьааҧнытәи ауаҩҧсы инаркны Аҳәынҭқарра Ахадарахь апретендент иҟынӡа, иахьа аҽеиҩшара алмыршаразы, мамзаргьы ианамуӡах уи анаҩстәи аҿиара аанкыларазы илшо зегьы ҟаиҵароуп. 

Ҳауаажәларра рыҩныҵҟа аҵыхәтәантәи аамҭазы ишьақәгылаз аполитикатә, иара ауаатәыҩсатә еизыҟазаашьақәеи срызхәыцны, сара ааигәа имҩаҧысраны иҟоу алхратә кампаниа схы шаласмырхәо азы аӡбамҭа сыдыскылеит.  Ҳалхрақәа ирыцу анегативтә процессқәеи аибырххареи рыҽрыламырхәра шхымҧадатәиу азы сыхдырра исыҵанаҳәаз иалҵшәахеит ари аӡбамҭа. 

Сара сыдгылара иазхиаз зегьы рахь ааҧхьара ҟасҵоит – Аҧсны аҭынчреи аҭышәынтәалареи, ауаатәыҩсатә еиқәшаҳаҭреи рышьақәгыларазы агәазыҳәара иақәшәо алхра ҟашәҵа. Саргьы убасҵәҟьа хәажәкырамза 22 аҽны алхратә ҭыҧ аҿы снеины сыбжьы сҭииуеит. Иахьазы Аҟәа ақалақь Ахадара аколлективи сареи  ҳҿаҧхьа ҳақалақь аҧсҭазаара иадҳәалоу есыҽнытәи азҵаарақәа рыӡбара ахшыҩзышьҭра аҳҭароуп”, – ҳәа иазгәаҭоуп Кан Кәарҷиа иҟаиҵаз аҳәамҭа аҟны.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа