Ажәабжьқәа

Популярное

Хазы игоу акатегориақәа ирыҵанакуа атәанчаҩцәа ҧхынҷкәынмзазы ртәанчахәы ацыла роураны иҟоуп

149
20.11.2019 13:41
Хазы игоу акатегориақәа ирыҵанакуа атәанчаҩцәа ҧхынҷкәынмзазы ртәанчахәы ацыла роураны иҟоуп
Ҧхынҷкәынмзазы 2019 шықәса хәымз ирылагӡаны иахырыҧхьаӡалаз атәанчахәы ацыла аицҵалыҵ зегьы рызшәахоит.

Аҟәа. Абҵарамза 20. Аҧсныпресс. Лана Ҵәыџьба. Хазы игоу акатегориақәа ирыҵанакуа атәанчаҩцәа абҵарамза нҵәаанӡа ртәанчахәы ацыла роураны иҟоуп. Аҧсны агәабзиарахьчареи асоциалтә еиқәыршәареи рзы Аминистрра аҿы иҟоу аҳәынҭқарратә Усбарҭа “Атәанчаҩратә фонд” ахада Денис Гәылариа Аҧсныпресс акорреспондент диҿцәажәо “Аҧсны хазы игоу акатегориақәа ирыҵанакуа атәанчаҩцәа ртәанчахәы ацыла азы “Аҧсны Азакәан иалагалаз аиҭакрақәеи ацҵақәеи дрыхцәажәеит. Уи конкретла ишьақәырҕәҕәоу ашәатәқәа реихшьаалақәа ааигеит:

“Азакәан зегь реиҳа ихьчам ауааҧсыра рыхәҭаа ахь иаҵанакуа – ихәыҷы аахыс аинвалидра змоу, аиаҭымцәа, иара убас Асовет Ар аинвалидцәа ирҭахо асоциал цхыраара арҕәҕәара иазырхоуп.

Азакәан апроект иҳаҩсыз ашықәс азы аус адулара мҩаҧысит. Зегьы раасҭа иҧсыҽуп ҳәа иҧхьаӡоу хазы игоу акатегориақәа ирыҵанакуа атәанчаҩцәа алкаан: аиаҭымцәа, 16 шықәса зхымҵыц, ихәыҷы аахыс аинвалидра змоу, 16 шықәса иреиҳау,  ихәыҷы аахыс l-ll агәыҧ иаҵанакуа аинвалидра змоу, арратә маҵзура ахысраан ааха зауз Асовет Ар аинвалидцәа. Иарбоу акатегориақәа рыла иахысуа ауаа рхыҧхьаӡара 2,5 нызықьҩык рҟынӡа инаӡоит. Иааизакны уахәаҧшуазар, шықәсык иалагӡаны арҭ ашәатәқәа зегьы реизырҳаразы иныххоит 40 миллион мааҭ рҟынӡа.

Убас, иарбоу Азакәан инақәыршәаны:
– аиаҭымцәа ҧхынгәымза, 2019 шықәса рҟынӡа ироуан 3 000 мааҭ, уажәы урҭ ртәанчахәы иацлеит 1 000 мааҭ. Убас ала,  урҭ аринахыс мызкахьы знык 4 000 мааҭ роулоит;
– 16 шықәса зхымҵыц, ихәыҷы аахыс аинвалидра змоу уажәраанӡа ироуан 2 000 мааҭ, уажәы урҭ ртәанчахәы иацлеит 1 000 мааҭ. Убас ала, урҭ аринахыс мызкахьы знык 3 000 мааҭ роулоит;
– 16 шықәса иреиҳау, ихәыҷы аахыс l агәыҧ иаҵанакуа аинвалидра змоу уажәраанӡа ироуан 1 500 мааҭ, уажәы урҭ ртәанчахәы иацлеит 1500 мааҭ. Убас ала,  урҭ аринахыс мызкахьы знык 3000 мааҭ роулоит;
– 16 шықәса иреиҳау, ихәыҷы аахыс II агәыҧ иаҵанакуа аинвалидра змоу уажәраанӡа ироуан 1 300 мааҭ, уажәы урҭ ртәанчахәы иацлеит 1200 мааҭ. Убас ала, урҭ аринахыс мызкахьы знык 2 500 мааҭ роулоит.

Арратә маҵзура ахысраан ааха зауз Асовет Ар аинвалидцәа:
– I агәыҧ иаҵанакуа – уажәраанӡа ироуан 1 000 мааҭ, уажәы урҭ ртәанчахәы иацлеит 4 500 мааҭ. Убас ала, иааизакны урҭ аринахыс мызкахьы знык 5 500 мааҭ роулоит;
– II агәыҧ иаҵанакуа – уажәраанӡа ироуан 700 мааҭ, уажәы урҭ ртәанчахәы иацлеит 4 300 мааҭ. Убас ала, иааизакны урҭ аринахыс мызкахьы знык 5 000 мааҭ роулоит;
– III агәыҧ иаҵанакуа – уажәраанӡа ироуан 500 мааҭ, уажәы урҭ ртәанчахәы иацлеит 4 200 мааҭ. Убас ала, иааизакны урҭ аринахыс мызкахьы знык 4 700 мааҭ роулоит.

Атәанчахәы ацлара азҧхьагәаҭоуп ҧхынгәымза1, 2019 шықәса инаркны. Ҧхынҷкәынмзазы 2019 шықәса хәымз ирылагӡаны иахырыҧхьаӡалаз атәанчахәы ацыла аицҵалыҵ зегьы рызшәахоит, иара убри амыз инаркны иназыцҵоу атәанчахәқәа рызшәара иацҵахоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа