Ажәабжьқәа

Популярное

Лев Кәыҵниа Урыстәылатәи Афедерациа аҧсеиқәырхаҩ Имш иазкыз аныҳәатә усмҩаҧгатәқәа ихы рылаирхәит

153
25.12.2017 11:28
Лев Кәыҵниа Урыстәылатәи Афедерациа аҧсеиқәырхаҩ Имш иазкыз аныҳәатә усмҩаҧгатәқәа ихы рылаирхәит
Аҧсны Иҷыдоу аҭагылазаашьақәа рзы Аминистрра ахада урыстәылатәи аҧсеиқәырхаҩцәа дрыдныҳәало урыстәылатәи аколлегацәа аҧснытәи аиқәырхара азы амаҵзура ашьақәгылара аҿы иҟарҵаз ацхыраара ахә ашьара уадаҩуп ҳәа иазгәеиҭеит.

Аҟәа. Ҧхынгәымза 25. Аҧсныпресс. Аҧсны Иҷыдоу аҭагылазаашьақәа рзы аминистр Лев Кәыҵниа Урыстәылатәи Афедерациа аҧсеиқәырхаҩ Имш иазкыз аныҳәатә усмҩаҧгатәқәа ихы рылаирхәит. Абри атәы аанацҳауеит Аҧсны Иҷыдоу аҭагылазаашьақәа рзы Аминистрра апресс-маҵзура.    

Есышықәса абарҭ амшқәа рзы Москва ақалақь аҿы ашықәс иалагӡаны имҩаҧгаз аусура аихшьаалақәа рыҟаҵареи Урыстәылатәи Афедерациа аҧсеиқәырхаҩ Имш иазку аныҳәатә усмҩаҧгатәқәа рылахәхареи рзы Урыстәыла зегьы аҟынтәи амцарцәаҩцәеи аҧсеиқәырхаҩцәеи еизоит. 

Урыстәыла Иҷыдоу аҭагылазаашьақәа рзы Аминистрра ахада Владимир Пучков иҟынтәи иаашьҭыз ааҧхьаратә шәҟәы аҿы жәларбжьаратәи аусеицура, аицхыраара амеханизмқәа рышьақәгылареи амилаҭтә ҧсеиқәырхаратә маҵзурақәа рыҿиареи, иҧхьагылоу аҧышәа ала аимадареи ахьалнаршо инамаданы, иҷыдоу аҭагылазаашьақәа рыҧхьырҟәҟәаареи раҧыхреи иадҳәалоу азҵаарақәа рҿы ихадоу ароль нанагӡоит ҳәа иазгәаҭан. 

Лев Кәыҵниа урыстәылатәи аҧсеиқәырхаҩцәа дрыдныҳәало урыстәылатәи аколлегацәа аҧснытәи аиқәырхара азы амаҵзура ашьақәгылара аҿы иҟарҵаз ацхыраара ахә ашьара уадаҩуп ҳәа иазгәеиҭеит.

Анаҧхгарабжьаратәи аиқәшаҳаҭра анапаҵыҩра иабзоураны, Аҧсны иҷыдоу аҭагылазаашьақәа рзы Аминистрра атехникатә еиқәыршәареи, иара убас урыстәылатәи аспециалистцәа рыла аҧснытәи аколлегацәа рзы имҩаҧгахо атеориатәии аҧышәатәи азыҟаҵарақәа, уҳәа рыла Аҧсны ацхыраара ду аиуоит.  Аҧсны Иҷыдоу аҭагылазаашьақәа рзы аминистр иажәақәа рыла, иахьазы 2018-2019 шықәсқәа рзы аусеицура инамаданы азҧхьагәаҭақәа шьақәырҕәҕәоуп. Иааиуа ҩы-шықәса ирылагӡаны урыстәылатәи аҧсеиқәырхаҩцәа ареспублика ааиқәырхара азы  ахылаҧшырҭа агуманитартә цхыраара аҭара иацырҵоит.

Иара убас, Урыстәылатәи аҧсеиқәырхаҩ Имш азгәаҭара аҳәаақәа ирҭагӡаны, Лев Кәыҵниеи уи урыстәылатәи иколлега Владимир Пучкови реиҧылара мҩаҧысит.  Аиҧылара аҿы Владимир Пучков 2018 шықәсазы Аҧсны аҭаара азҧхьагәаҭаны ишимоу азгәеиҭеит. Иара убас, аҧснытәи аҧсеиқәырхара азы ахылаҧшырҭа аиҳабы Никарагуа, Узбекистан аҟынтәи аделегациақәа рхаҭарнакцәагьы дырҧылеит. Аҧсни Узбекистани иҷыдоу аҭагылазаашьақәа рзы Аминистррақәа рхадацәа Лев Кәыҵниеи Русҭам Џьураеви аҩ-хылаҧшырҭак рыбжьара аусеицура аперспективақәа ирылацәажәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа