Ажәабжьқәа

Популярное

Михаило Видич: аҩганктәи аусеицура ҳабжьаҵара алыршахап ҳәа агәыҕра сымоуп

107
03.10.2017 13:12
Михаило Видич: аҩганктәи аусеицура ҳабжьаҵара алыршахап ҳәа агәыҕра сымоуп
Аҧсны Ахәаахәҭра-ааглыхратә Палата ахаҭарнакцәа Ареспублика Сербскаиа  аделегациа ирҧылеит.

Аҟәа. Жьҭаарамза 3. Аҧсныпресс. Дамеи Касланӡиа. Аҟәа ақалақь аҿы Аҧсны Ахәаахәҭра-ааглыхратә Палаҭа алахәылацәеи  Ареспублика Сербтскаиа аделегациеи инарҭбаау реиҧылара мҩаҧысит. Уи иалахәхеит атәыла Анаҧхгара, Ахәаахәҭра-ааглыхратә Палата, атәыла абизнес еилазаара ахаҭарнакцәа, ақалақьқәа Зворник, Биелина ахадацәа. 

Аҧсны Ахәаахәҭра-ааглыхратә Палата апрезидент Геннади Гагәылиа инаҵшьны иазгәеиҭеит: “Ари Шәареи ҳареи официалла имҩаҧысуа раҧхьаӡатәи ҳаиҧылароуп, агәра ганы сыҟоуп ас еиҧш аусмҩаҧгатәқәа аринахысгьы ишрыцҵахо. Ҳара Шәара Аҧсны шәыдкылара даара гәахәара дула иҳадаҳкылеит. Ҳаҧхьаҟа имаҷымкәа аусқәа шьҭоуп. Сгәы иаанагоит, ҳаизыҟазаашьақәа хра злоу аҿиара шаиуо, еиуеиҧшым ахырхарҭақәа рыла аусеицура шҳабжьало”.

Ареспублика Сербскаиа  ахәаахәҭреи атуризми рминистр ихаҭыҧуаҩ Дусанка Тегелита иазгәалҭеит: “Аҧсны еиҧш асасдкылара бзиа сара уаҳа џьаргьы исымбацт. Шәара даара ибзиоу аинвестициатә лшарақәеи ицәгьамкәа аҿиара иаҿу атуризми шәымоуп. Шәара шәтәыла аҿиаратә перспективақәа маҷымкәа иамоуп”.  

Ареспублика Сербскаиа  Ахәаахәҭра-ааглыхратә Палата апрезидент ихаҭыҧуаҩ Михаило Видич иара убасҵәҟьа адкылара бзиа азы ҭабуп ҳәа раҳәо иазгәеиҭеит: “аусеицура ҳабжьаҵара алыршахап ҳәа агәыҕра сымоуп”. 

Аиҧылара аҿы асасцәа Аҧсны Ахәаахәҭра-ааглыхратә Палата апрезиденти Аҟәа ақалақь ахадеи агәаларшәагатә ҳамҭақәа ранаршьеит. 

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа