Ажәабжьқәа

Популярное

Москва ақалақь аҿы Урыстәылатәи Афедерациа иҟоу Аҧсны ахәаахәҭратә Хаҭарнакреи “Евразиатәи аусуратә еидгылареи” рыбжьара Аиқәшаҳаҭра анапаҵыҩра мҩаҧысит

77
06.10.2017 11:20
Москва ақалақь аҿы Урыстәылатәи Афедерациа иҟоу Аҧсны ахәаахәҭратә Хаҭарнакреи “Евразиатәи аусуратә еидгылареи” рыбжьара Аиқәшаҳаҭра анапаҵыҩра мҩаҧысит
Знапаҵыҩыз аусшәҟәы – Аҧсны ахәаахәҭратә ҩны аартра иадҳәалоу апроект ду иахәҭакны иҟоуп.

Аҟәа. Жьҭаарамза 6. Аҧсныпресс. Жәларбжьаратәи агроааглыхратә форум “Ахьтәы ҭагалан-2017” аҳәаақәа ирҭагӡаны Урыстәылатәи Афедерациа иҟоу Аҧсны ахәаахәҭратә Хаҭарнакреи Евразиатәи аекономикатә зона аусдкылаҩцәа реидгылара “Евразиатәи аусуратә еидгылареи” рыбжьара аусеицуразы Аиқәшаҳаҭра анапаҵыҩра мҩаҧысит. Аусшәҟәы рнапы аҵарҩит “Евразиатәи аусуратә еидгылара” анаҧхгараҭара ахантәаҩы Виктор Комболови Урыстәылатәи Афедерациа иҟоу Аҧсны ахәаахәҭратә хаҭарнак Олег Барцыци. Абри атәы аанацҳауеит Аҧсны Аҳәынҭқарра Жәларбжьаратәи Акультуратә Усуратә Центр апресс-маҵзура.

Аиқәшаҳаҭра ахықәкы хада – Евразиатәи Аидгылара иалоу атәылақәа рхәаахәҭратә усура аинвестициақәа ралагалара.

Знапаҵыҩра мҩаҧгаз аусшәҟәы – Урыстәылатәи Афедерациа иҟоу Аҧсны ахәаахәҭратә Хаҭарнакреи Аҧсны Аҳәынҭқарра Жәларбжьаратәи Акультуратә Усуратә Центри еиқәдыршәаз, Аҧсны ахәаахәҭратә ҩны аартра иадҳәалоу апроект ду иахәҭакны иҟоуп.

Знапаҵыҩра алыршахаз аусшәҟәы ала аҧснытәи аделегациа Евразиатәи акомиссиа еиҿнакааз аконференциа аусура иалахәхеит. Уаҟа ақыҭанхамҩатә аалыҵ аекспорт азуреи аинтеграциатә процессқәа рымҩаҧгареи ирыдҳәалаз азҵаарақәа ирылацәажәеит.

Аҧснытәи аделегациа Урыстәыла иреиҳаӡоу акомплексқәа иреиуоу “Фуд Сити” ахәаахәҭратә плошьадкақәа ирыхәаҧшит. Иарбоу акомплекс абазаҿы аус руеит Урыстәыла иҟоу Евразиатәи аусуратә еидгылара ахәаахәҭратә плошьадкақәа жәпакы.

“Ҳара агәра ганы ҳаҟоуп, Евразиатәи аусуратә центри ҳареи иҳабжьаҳҵаз Аиқәшаҳаҭра аҧснытәи ақыҭанхамҩатә аалыҵ аҭира иадҳәалоу азҵаарақәа рыӡбараҿы иҿыцу лагаланы, жәларбжьаратәи арена аҿы Аҧсны ахьӡ-аҧша арҕәҕәара азы хра злоу факторкны ишыҟало”, – ҳәа иазгәеиҭеит Олег Барцыц.

Уи иажәақәа рыла, хыҧхьаӡарала митәык идуумзаргьы, ақыҭанхамҩатә аалыҵ ҭзыжьуа аҧснытәи аусдкылаҩцәа, уажәырнахыс зыхьӡ нагоу ахәаахәҭратә плошьадкақәа рҿы ицәырҵларц азы алшара роуеит. “Аҭыжьыҩцәа рҿаҧхьа ихаданы иқәгылахо, атауар ахаҭабзиара аҳаракра ауп”, – ҳәа инаҵшьны иазгәеиҭеит Урыстәылатәи Афедерациа иҟоу Аҧсны Аҳәынҭқарра ахәаахәҭратә хаҭарнак Олег Барцыц. 

Жәларбжьаратәи агроааглыхратә цәыргақәҵа “Ахьтәы ҭагалан-2017” аҳәаақәа ирҭагӡоу аҧснытәи аделегациа аусура жьҭаарамза 7 рзы ихыркәшахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа