Ажәабжьқәа

Москватәи аконсерваториа Акамертә хор Аҧснытәи адраматә театр аҿы иқәгылараны иҟоуп

357
14.11.2019 14:03
Москватәи аконсерваториа Акамертә хор Аҧснытәи адраматә театр аҿы иқәгылараны иҟоуп
Аконцерт С.Ҷанба ихьӡ зху Аҧснытәи адраматә театр атеатрал-концерттә зал аҿы имҩаҧысуеит.

Аҟәа. Абҵарамза 14. Аҧсныпресс. Дамеи Касланӡиа. С. Ҷанба ихьӡ зху Аҧснытәи адраматә театр аҿы, ааигәа иаатыз атеатрал-концерттә зал аплошьадка аҿы иқәгылараны иҟоуп Москватәи аконсерваториа Акамертә хор.

Ауаажәларреи амассатә информациатә хархәагақәеи рымадара азы С.Ҷанба ихьӡ зху Аҧснытәи адраматә театр адиректор хада ихаҭыҧуаҩ Шьарида Ҭыжәба иазгәалҭеит: “Ари аиашазы иуникалтәу хәылҧазхоит. Аклассикатә музыка абзиабаҩцәа зегьы Москватәи аконсерваториа Акамертә хор ақәгылара аҟынтәи агәахәара аиуразы алшара шьахә роуеит”.

Шьарида Ҭыжәба иҟалҵаз адыррақәа рыла, атеатрал-концерттә зал аартра Аҧсны Аҳәынҭқарра Ахада иҟаиҵаз ацхыраара иабзоурхеит: “Аҟазара знапы алаку ауаа ас еиҧш азалқәа раартра есымша гәахәара дула ирыдыркылоит. Араҟа аспециалистцәа ишазгәарҭо ала, зеиҕьаҟам акустика ыҟоуп, араҟа акы иаламҩашьо ахатәы атмосфера шьақәгылоуп. Ҳара ари азал аҿы еиуеиҧшым аусмҩаҧгатәқәа мҩаҧаагоит, ас еиҧш аитерес зҵоу ахҭыс зхы алазырхәыр зҭаху зегьы ааҧхьара раҳҭоит”.


(АП): Москватәи аконсерваториа Акамертә хор ихадоу ахырхарҭаны иҟоуп ҳаамҭазтәи, аҭыҧантәи еиҧш аҳәаанырцәтәии акомпозиорцәа рырҿиамҭақәа рынагӡара.  Ахор лассы-лассы Урыстәыла ақалақьқәеи аҳәаанырцәи агастрольқәа мҩаҧыргоит. Акамертә хор аҿы иқәгылахьеит ҳаамҭазы иналукааша амузыкантцәас иҧхьаӡоу В. Гергиев, М. Плетниов, Г. Рождественски, Иу. Башмет, В. Полянски, Иу. Симонов, С. Сондецкис, уҳәа убас аӡәырҩы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа