Ажәабжьқәа

Популярное

Мусса Екзеков Рауль Ҳаџьымба Аҳәынҭқарра Ахада иалхрақәа рҿы игаз аиааира идиныҳәалеит

210
12.09.2019 16:03
Мусса Екзеков Рауль Ҳаџьымба Аҳәынҭқарра Ахада иалхрақәа рҿы игаз аиааира идиныҳәалеит
Мусса Екзеков Рауль Ҳаџьымба икомандеи Аҧсны ажәлари рымчи рыхшыҩи еилаҵаны ареспублика ауааҧсыра рыҧсҭазаара ахаҭабзиара аҩаӡара аизырҳареи, атәыла асоциал-економикатә ҿиареи иазырханы ирымоу апроектқәеи агәҭакқәеи аҧсҭазаараҿы анагӡараҿы ақәҿиарақәа изеиҕьаишьеит.

Аҟәа. Цәыббрамза 12. Аҧсныпресс. Адунеизегьтәи аҧсуа-база жәлар Иреиҳаӡоу Ахеилак Ахантәаҩы Мусса Екзеков Рауль Ҳаџьымба Аҳәынҭқарра Ахада иалхрақәа рҿы игаз аиааира идиныҳәалеит.

Адныҳәалараҿы, ахәҭакахьала иазгәаҭоуп:

“Адунеизегьтәи аҧсуа-база жәлар Иреиҳаӡоу Ахеилак ахьӡалеи хаҭала сареи гәык-ҧсыкала ишәыдысныҳәалоит иреиҳаӡоу аҳәынҭқарратә маҵураҭыҧ ахь шәеиҭалхра. Хаҭала Шәареи, ишәыдгылоу акомандеи Аҧсны ажәлари рымчи рыхшыҩи еилаҵаны ареспублика ауааҧсыра рыҧсҭазаара ахаҭабзиара аҩаӡара аизырҳареи, атәыла асоциал-економикатә ҿиареи иазырханы ишәымоу апроектқәеи агәҭакқәеи аҧсҭазаараҿы анагӡараҿы ақәҿиарақәа шәзеиҕьасшьоит.

Агәра ганы сыҟоуп, Шәара аҧсу-база жәлар рбызшәа, ркультура, рытрадициақәа рыхьчара иазку азҵаарақәа ҷыдала ахшыҩзышьҭра шашәҭало, иара убас Шәара шәганахьала адунеи аҿы иҟоу аҧсуа-база жәлар адиаспора реимадара арҕәҕәара иазку аҭагылазаашьа аҧҵара активла адгылара шаиуо. Ишәзеиҕьасшьоит агәабзиара, аҭакҧхықәра ду зцу аҳәынҭқарратә усураҿы ақәҿиарақәеи аманшәалареи”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа