Ажәабжьқәа

Популярное

Никарагуа Апрезидент Аҧсны Аҳәынҭқарра Ахада Аиааиреи Ахьыҧшымреи Рымшныҳәа идиныҳәалеит

307
01.10.2019 12:54
Никарагуа Апрезидент Аҧсны Аҳәынҭқарра Ахада  Аиааиреи Ахьыҧшымреи Рымшныҳәа идиныҳәалеит
Даниель Ортега Аҧсны аҭынчреи аизҳазыҕьареи, хра злоу аҿиареи азеиҕьаишьеит.

Аҟәа. Жьҭаарамза 1. Аҧсныпресс. Никарагуа Апрезидент Даниель Ортега Аҧсны Аҳәынҭқарра Ахада Рауль Ҳаџьымба Аиааиреи  Ахьыҧшымреи Рымшныҳәа идиныҳәалеит. 

Даниель Ортега иаацҳамҭаҿы, иҳәоуп:

“Ҳаҭыр зқәу аҩыза, ҳаҭыр зқәу  Аҳәынҭқарра Ахада!

Никарагуа Ареспублика Ажәлари, Аинырнаалара Аиҳабыреи, Амилаҭ Ракзаареи рыхьӡала, сара сҟынтәгьы Аҧсны ажәларгьы Шәаргьы гәык-ҧсыкала ишәыдаҳныҳәалоит аибашьра хлымӡаах аҿы 413 мшы рнаҩс ижәгаз Аиааиреи Ахьыҧшымреи 26 шықәса рхыҵра.

Аинрал Владимир Серебриаков ишиҳәаз еиҧш, Аҧсны Аиааира алзыршаз амч уаназхәыцуа, аҧсуа бираҟ иаҵагыланы хацәнмырха игылаз ахьеиҳахаз шакәу убоит, урҭ рыҩныҵҟа иҟан аҿар, урҭ рҭаацәа, андуцәа, абдуцәа, аҳәса, дара рыда Аҧсадгьыл даҽацәы ишизымыхьчо агәра згаз.

Акыр иаҧсоу сколлега, абри аныҳәамш аҽны никарагуатәи аҭаацәарақәа зегьы рыхьӡала ишәзеиӷьаҳшьоит ақәҿиарақәа, хьӡи-ҧшеи згым Аҧсны Жәлар зегьы рҭынчреи, рыҿиареи, реизҳазыӷьареи ирызкны имҩаҧыжәго ҳаҭыр ду змоу аус аҿы аихьӡарақәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа