Ажәабжьқәа

Популярное

Очамчыра ақалақь аҿы Илахҿыху Иаҵамхо Реилазаара (КВН) ақалақьтә аиубилеитә хәмарра мҩаҧысраны иҟоуп

385
22.12.2017 11:42
Очамчыра ақалақь аҿы Илахҿыху  Иаҵамхо Реилазаара (КВН) ақалақьтә аиубилеитә хәмарра  мҩаҧысраны иҟоуп
Ҧхынҷкәынмза 26 рзы Очамчыра ақалақь аҿы имҩаҧысраны иҟоуп Илахҿыху Иаҵамхо Реилазаара (КВН) ақалақьтә аиубилеитә хәмарра.

Аҟәа. Ҧхынҷкәынмза 22. Аҧсныпресс. Ҧхынҷкәынмза 26 рзы, Очамчыра ақалақь, араион культура Ҩны аҿы Илахҿыху Иаҵамхо Реилазаара (КВН) ақалақьтә аиубилеитә хәмарра  мҩаҧысраны иҟоуп. Абри азы Аҧсныпресс ахь адырра ҟаиҵеит Очамчыра араион Ахадара аҿари аспорти рыҟәша аиҳабы Ҭемыр Ҧачлиа.

Ҭемыр Ҧачлиа ишазгәеиҭаз ала, ахәмарра иалахәхоит 15 командак, ахәмарыҩцәа рзеиҧш хыҧхьаӡара 150-ҩык рҟынӡа инаӡоит. “Иацы акомандақәа рредактура мҩаҧган. Уи мҩаҧыргон Михаил Ҵкәуеи Михаил Гагәылиеи. Ахәмарра ахь иара убас ааҧхьара аҭоуп Ҭҟәарчал акомандагьы. Аусмҩаҧгатә ахыркәшамҭаз акомандақәа зегьы агәаларшәагатә ҳамҭақәа ранашьахоит”, – ҳәа иҳәеит Ҭемыр Ҧачлиа.

Ахәмарра аиҿкааҩцәа – амобилтә еимадара “Амобаил”, аҿартә центр “Гиуенос, Очамчыра араион Ахадара аҿари аспорти рыҟәша, араионтә культура Ҩны.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа