Ажәабжьқәа

Популярное

Приднестровие Иреиҳаӡоу Асовет аҿы Аҧсни Приднестровтәи Молдавтәи Ареспубликеи рыбжьара аиҩызареи аусеицуреи аидгылареи рзы Аиқәшаҳаҭра абжьаҵара иалацәажәеит

383
27.12.2017 15:54
Приднестровие Иреиҳаӡоу Асовет аҿы Аҧсни Приднестровтәи Молдавтәи Ареспубликеи рыбжьара аиҩызареи аусеицуреи аидгылареи рзы Аиқәшаҳаҭра абжьаҵара иалацәажәеит
Ҧхынҷкәынмза 28 рзы иарбоу аусшәҟәы Аҧсны Жәлар Реизара – Апарламент аилатәара аҿы ахәаҧшра азҧхьагәаҭоуп.

Аҟәа. Ҧхынҷкәынмза 27. Аҧсныпресс. Приднестровие иҟоу аҷыдалкаатә зинмчы змоу Аҧсны ахаҭарнак Александр Ватаман Приднестровтәи Молдавтәи Ареспублика Иреиҳаӡоу Асовет апленартә еилатәара ихы алаирхәит. Абри атәы аанацҳауеит Приднестровтәи Молдавтәи Ареспублика Ахаҭарнакра аофициалтә саит. 

Приднестровтәи Молдавтәи Ареспублика Иреиҳаӡоу Асовет 6-тәи ааҧхьара 13-тәи аилатәара аҿы актәи аҧхьараҿы “Аҧсны Аҳәынҭқарреи Приднестровтәи Молдавтәи Ареспубликеи рыбжьара аиҩызареи аусеицуреи аидгылареи рзы Аиқәшаҳаҭра абжьаҵара” азы Азакәан апроект  иахәаҧшуан. 

Азакәан апроект адгалара мҩаҧго, ПМА адәныҟатәи аусқәа рминистр Витали Игнатиев иазгәеиҭеит: “1993 шықәса рзы иҟаз Аиқәшаҳаҭра  аҵкьыс иреиҳаӡоу аҩаӡара аҿы знапаҵыҩра мҩаҧысуа иарбоу Аусшәҟәы аҩ-ҳәынҭқаррак ртәылауаа ҧымкрада реиҭанеиааиреи аҩ-ҳәынҭқаррак рҿы ирыҭаз аусшәҟәқәа разхаҵареи, ашьаустә, ауаажәларратә, аҭаацәаратә усеилыргарақәа рганахьала азинтә цхыраара аҭареи ирзырхоу ауснагӡатәқәа рынагӡара азы аҩганк ишиашоу аҭакҧхықәра рыднаҵоит. Иара убас, уи аусеицура иҿыцу аганқәагьы аанарҧшуеит: ацәгьоурақәа рҿагылара, иҷыдоу аҭагылазаашьақәа рҿы ацхыраара, атуризм ҳәа рганахьала аусеицура. Иара убас уи аекономика, аекологиа, анаука, акультура, агәабзиарахьчара, уҳәа рганахьала аусеицура аҳәаақәа рырҭбаара азҧхьагәанаҭоит”.  

Ахәҭакахьала, Александр Ватаман, цәыббрамза 29, 2017 шықәсазы знапаҵыҩра мҩаҧгаз Аиқәшаҳаҭра атекст ҳаамҭазтәи азинтә-политикатә ҭагылазаашьа аганқәа зеиҕьаҟам ала иаанарҧшуеит ҳәа инаҵшьны иазгәеиҭеит. “Аусшәҟәы аҿы ҩаҧхьа  Ареспубликақәа рыла аҩ-ҳәынҭқаррак рхьыҧшымреи рсуверенитети азхаҵареи ҳаҧхьаҟа аусеицура аҳәаақәа рырҭбаареи аҳәынҭқаррабжьаратәи аизыҟазаашьақәа иҿыцу аҩаӡара аҟынӡа анагареи рзы азхиара аныҧшуеит”, – ҳәа иҳәеит иара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа