Ажәабжьқәа

Популярное

Пицунда изакәанымкәа иргылаз ахыбрақәа рықәгара мҩаҧысуеит

177
08.11.2017 15:32
Пицунда изакәанымкәа иргылаз ахыбрақәа рықәгара мҩаҧысуеит
Пицунда-Мысратәи аҳәарҧсарра аҿы изакәанымкәа иргылаз ахыбрақәа рзы ирыдыркылаз аӡбамҭа анагӡара аҳәаақәа ирҭагӡоу аусурақәа мҩаҧысуеит.

Пицунда. Абҵарамза 8. Аҧсныпресс. Лана Ҵәыџьҧҳа. Пицунда-Мысратәи аҳәарҧсарра иахьаҵанакуа Ерик Ҳагәышь итәу, изакәанымкәа иргылоу ахыбра ақәгаразы аӡбамҭа иаднакылаз аӡбара анагӡара аҳәаақәа ирҭагӡаны аусурақәа мҩаҧысуеит. Иарбоу аусмҩаҧгатә хацыркын абҵарамза 7 рзы.

Аҧсны аҧыза-министр ихаҭыҧуаҩ Аслан Кобахьиа иарбоу аусурақәа рымҩаҧысшьа азы адыррақәа ҟаиҵеит: “Ҳара аобиект аҧҽра амҩа алҳамхӡеит, ҳара уи амҿы иахьалхыз инамаданы адемонтажтә усурақәа мҩаҧаагеит. Иацы аҩнымаҭәа зегьы дәылыргеит. Ахыбра 80% еимыхуп, аусурақәа абар ҩымшуп имҩаҧысуеижьҭеи”, – ҳәа иҳәеит Аслан Кобахьиа.



Аслан Кобахьиа иҟаиҵаз адыррақәа рыла, аобиект аимыхра ашьҭахь иаанхо аматериал 90% даҽазнык ахархәара алшоит. Ахыбрақәа зтәу ари амаҭәахә ашьҭаҵарҭақәа рахь инаргоит. “Урҭ асасааирҭа аргыларазы аҭыҧ рыҧшаахьеит, уи зегьы закәанла еиқәыршәахоит”, – ҳәа иазгәеиҭеит Аслан Кобахьиа.

Аслан Кобахьиа аҭагылазаашьа дахцәажәеит: Сара сгәаанагарала ҳара ирацәаны асассирҭақәеи аҧсшьарҭа ҩнқәеи ҳамазароуп, избан акәзар ҳтәыла амшын аҧшаҳәа иаҧнуп, аха аргыларақәа зегьы хымҧада азакәан иақәшәо имҩаҧысуазароуп. Лассы-лассы иҟалалоит убас, аобиект аныргылахалак ашьҭахь ауп уи ашәҟәҭагалареи иахәҭоу шәҟәыла аиқәыршәареи анымҩаҧааго. Иарбоу аҭагылазаашьа аҿы аобиект еимыхын. Аха уи егьырҭ аобиектқәагьы еимыххоит, ирбгахом ҳәа иаанагаӡом”, – ҳәа иҳәеит Аслан Кобахьиа.

Иара убас, Аслан Кобахьиа, изакәанымкәа аргылара анаҩсгьы, адгьылқәа иахәҭоу ашәҟәқәеи азинтә усшәҟәеи рыла реиқәыршәара иадҳәалоу апроцесс хықәкыла аноурылахара иадҳәалоу афактқәагьы маҷымкәа иҟоуп ҳәа инаҵшьны иазгәеиҭеит.  "Иҟоуп чынуаақәак, адгьыл ашәҟәҭагалара мап ацәкра азы ҵаҵҕәы рымаӡамкәа хықәкыла иарбоу апроцесс мызла зҽадзырхало. Уи ахылаҧшра ҕәҕәа аҭара ахәҭоуп!” – ҳәа иҳәеит Аслан Кобахьиа.

Аслан Кобахьиа иҟаиҵаз адыррақәа рыла, изакәаным аргылара иазку даҽа ҩ-уск Иреиҳаӡоу аӡбарҭа ахь ахәаҧшразы инагоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа