Ажәабжьқәа

Популярное

Рауль Ҳаџьымба 1992-1993 шш. Аҧсны Аџьынџьтәылатә еибашьра Аинвалидцәа рассоциациа алархәны аилацәажәара мҩаҧигеит

977
17.12.2019 18:00
Рауль Ҳаџьымба 1992-1993 шш. Аҧсны Аџьынџьтәылатә еибашьра Аинвалидцәа рассоциациа алархәны аилацәажәара мҩаҧигеит
Аҧсны Аџьынџьтәылатә еибашьра Аинвалидцәа рассоциациа алахәцәа иазгәарҭеит аибашьра аинвалидцәа иҳаҩсыз хәышықәса рыҩныҵҟа амедицина-социалтә цхыраара рыҭара аусхк аҟны иҟоу алҵшәа бзиақәа ртәы.

Аҟәа. Ҧхынҷкәынмза 17. Аҧсныпресс. Аҧсны Аҳәынҭқарра Ахада Рауль Ҳаџьымба 1992-1993 шш. Аҧсны Аџьынџьтәылатә еибашьра Аинвалидцәа рассоциациа алархәны аилацәажәара мҩаҧигеит. Абри азы адырра ҟалҵеит Аҳәынҭқарра Ахада ипресс-маӡаныҟәгаҩ Наала Аҩӡба. 

Аилацәажәара иалахәыз минуҭктәи аҿымҭрала дыргәаладыршәеит 1992-1993 шш. Аҧсны Аџьынџьтәылатә еибашьра аинвалидцәа рфонд ахантәаҩы, Аҧсны Аџьынџьтәылатә еибашьра аветеран, “Леон” иорден занашьоу Бадри Агрба.

Ҷыдала, иазгәаҭан Аџьынџьтәылатә еибашьра аинвалидцәа аҭыҧантәи реиҿкаарақәа финансла реиқәыршәара аус, актәи агәыҧ иаҵанакуа аинвалидцәа ирзаужьу ацхыраагӡақәа рышьҭыхра, Аҧсны Аҳәынҭқаррахь амахашьахақәа рзы апротезҟаҵаразы Германиатәи Афедеративтә Республика аспециалистцәа аҭыҧантәи аспециалистцәа апротезҟаҵараҟны атехнологиа ҿыцқәа рырҵаразы раара.

Аҧсны Ахада Рауль Ҳаџьымба иаҵшьны иҳәеит аҳәынҭқарра аганахьала аҧхьаҟагьы Аџьынџьтәылатә еибашьра аинвалидцәа рассоциациа аҧшьгарақәа адгылара шрыҭахо.

Ассоциациа алахәцәа Аџьынџьтәылатә еибашьра аинвалидцәа рфонд аусура ареформа азура иазкыз ажәалагалақәа ҟарҵеит.

Аилацәажәара иалахәын, иара убас Аҧсны Аҳәынҭқарра Ахада Ихаҭыҧуаҩ Аслан Барцыц, Агәабзиарахьчареи асоциалтә еиқәыршәареи рминистр Ҭамаз Ҵахнакьиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа