Ажәабжьқәа

Популярное

Рауль Ҳаџьымба: Аҧсни Алада Уаҧстәылеи реизыҟазаашьақәа – имариам амҩа ианысыз аиашьаратә жәларқәа реимадара ауп

537
09.10.2019 18:06
Рауль Ҳаџьымба: Аҧсни Алада Уаҧстәылеи реизыҟазаашьақәа – имариам амҩа ианысыз аиашьаратә жәларқәа реимадара ауп
Рауль Ҳаџьымба Анатоли Бибилов диҧылеит.

Аҟәа. Жьҭаарамза 9. Аҧсныпресс. Аҧсны Аҳәынҭқарра Ахада Рауль Ҳаџьымба Аахыҵ Уаҧстәыла Ахада Анатоли Бибилов дидикылеит. Абри атәы аанацҳауеит Аҧсны Аҳәынҭқарра Ахада иофициалтә саит.

Аҳәынҭқарра Ахада Анатоли Бибилов Аахыҵ Уаҧстәыла аделегациа Аҳәынҭқарра Ахада имацура адкылара иазку аныҳәатә церемониа иахьалахәыз азы ҭабуп ҳәа еиҳәеит.

“Аҧсни Алада Уаҧстәылеи реизыҟазаашьақәа – имариам амҩа ианысыз аиашьаратә жәларқәа реимадара ауп. Ҳаҧхьаҟа еиуеиҧшым ауснагӡатәқәа маҷымкәа ишьҭоуп, ҳажәларқәа реизҳазыҕьара иазку аизыҟазаашьақәа шьақәҳаргылалароуп. Гәыкала иҭабуп ҳәа расҳәоит ара иҟоу Алада Уаҧстәыла аделегациа. Ари ҳара ҳзы даҽазныкгьы ҳаизыҟазаашьақәа, ҳаимадарақәа ртәы зныҧшуа, арҭ аизыҟазаашьақәа аҧхьаҟагьы реизырҳара шаҭаху атәы зҳәо хҭысуп”, – ҳәа иҳәеит Аҳәынҭқарра Ахада.

Анатоли Бибилов иазгәеиҭеит Аҧсны Аҳәынҭқарра Ахада имаҵурахьы инеира иазку аусмҩаҧгатә иамоу аҵак ду.

“Ҳара ҳаиҧш, хыҧхьаӡара рацәала асасцәа злахәу ахҭыс зполитикатә ҭәымҭа иҭагылоу, идемократиатәу аҧсуа уаажәларра ииашоу амҩа ишану атәы зҳәо акрызҵазкуа хҭысуп. Сара даҽазныкгьы агәра шәсыргарц сҭахуп ҳажәларқәа реизааигәахара, шәышықәсала ишьақәгылоз ҳаиашьаратә еизыҟазаашьақәа рымҩа ҳшацәхьамҵуа”, – ҳәа инаҵшьны иазгәеиҭит Анатоли Бибилов.

Аиҧылара ахыркәшамҭазы агәаларшәагатә ҳамҭақәа реимдара мҩаҧысит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа