Ажәабжьқәа

Популярное

Рауль Ҳаџьымба Аҧснытәи арҵаҩцәа рзанааҭныҳәа рыдиныҳәалеит

168
05.10.2017 16:59
Рауль Ҳаџьымба Аҧснытәи арҵаҩцәа рзанааҭныҳәа рыдиныҳәалеит
“Арҵаҩы – ари азанааҭ аҵкьыс еиҳауп, ари иҳараку зморалтәии ззанааҭтәии ҟазшьа бзиоу  ауаҩы хымҧада инаигӡо аҵаралашаратә миссиа ауп”, – ҳәа иазгәеиҭеит Аҳәынҭқарра Ахада.

Аҟәа. Жьҭаарамза 5. Аҧсныпресс. Аҳәынҭқарра Ахада Рауль Ҳаџьымба Аҧснытәи арҵаҩцәа рзанааҭныҳәа рыдиныҳәалеит.

Адныҳәалара аҿы ахәҭакахьала иазгәаҭоуп:

“Ҳаҭыр зқәу арҵаҩцәа!

Шәзанааҭныҳәа – Арҵаҩы Имш гәык-ҧсыкала ишәыдысныҳәаларц сҭахуп!

Аҵарадырра – ҳаамҭазтәи адунеи аҿы аҳәынҭқарра иахәҭоу аҭыҧ аҿы изыргыло, атәыла ҧхьаҟа ацара азы алшара аҧызҵо, зегьы реиҳа ихадоу факторуп.

Арҵаҩы – ари азанааҭ аҵкьыс еиҳауп, ари иҳараку зморалтәии ззанааҭтәии ҟазшьа бзиоу ауаҩы хымҧада инаигӡо аҵаралашаратә миссиа ауп. Зус ламысцқьала иазнеиуа ауаа роуп зҵаҩцәа аҵара дырҵара адагьы, урҭ ирылоу аҟыбаҩ аартреи, ибеиоу аҭоурыхтә традициақәеи акультуреи рахь абзиабара рылааӡареи аҭакҧхықәра зду тәылауааны рышьақәгылареи зылшо.

Дарбанызаалак,  адыррақәа раиура адагьы, аҧсҭазааратә мҩа иаша алхраҿы акыр анырра изҭаз, зегьы реиҳа бзиа иибоз арҵаҩы диман.

Аҳәынҭқарра уалны иадуп арҵаҩцәа рыҧсҭазаара иахәҭоу аҩаӡараҿы иҟалартә аҟаҵара, аҵарадырра аҩаӡара ашьҭыхра, аҵаратә процесс аиҕьтәра азы еиҳа иманшәалоу аҭагылазаашьақәа раҧҵара. Иахьа ҳара арҵаҩцәа руалафахәы ашьҭыхра ҳаҿуп, ашколқәа реиҭашьақәыргылара мҩаҧаагоит, аҵарадырра асистема ааизакны аиҭарҿыцра иазырхоу апланқәа еиқәҳаршәоит. Агәра ганы сыҟоуп, Шәара шәусураҿы иаашәырҧшуа агәацҧыҳәареи, ҳәаа змаӡам ачҳареи ҭакҧхықәрала шәзанааҭ азнеиреи, жәаҳәарада шәааӡамҭацәа рхы-ргәы аҿы ишаанхо, убри ала урҭ ҿыц еиҵагыло Аҧсны абиҧара рзы зеиҕьаҟам ҿырҧшны ишыҟало.

Агәабзиара, агәамч, аизҳазыҕьара, анасыҧи абаҩхатәра злоу аҵаҩцәеи шәзеиҕьасшьоит!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа