Ажәабжьқәа

Популярное

Рауль Ҳаџьымба: абиуџьет аҿы ахатәы хашәалахәы аструктура еизҳаит

395
21.12.2017 13:53
Рауль Ҳаџьымба: абиуџьет аҿы ахатәы хашәалахәы аструктура еизҳаит
Аҧсны Ахада Рауль Ҳаџьымба аихшьаалатә пресс-конференциа аҿы ажурналистцәа рызҵаарақәа рҭак ҟаиҵеит.

Аҟәа. Ҧхынҷкәынмза 21. Аҧсныпресс. Лана Ҵәыџьҧҳа. Аҧсны Ахада Рауль Ҳаџьымба ажурналистцәа рзы имҩаҧгаз  апресс-конференциа аҿы  иҳаҩсуа ашықәс аихшьаалақәеи ҳазҭало ашықәс азы иҟоу азҧхьагәаҭарақәеи дрылацәажәеит.  

Ажурналистцәа рызҵаарақәа рҭак аҟаҵара далагаанӡа Аҳәынҭқарра Ахада иазгәеиҭеит: “Ҳазҭоу ашықәс азы имаҷымкәа азҵаарақәа рыӡбара алыршахеит, аха шықәсык аҟынтәи даҽа шықәсык ахь ииасуа зыӡбара уадаҩу апроблемақәагьы аанханы иҟоуп. Иҟоуп ҳара ҳхала иҳаӡбо азҵаарақәагьы, иҟоуп астратегиатә ҩызара ҳазҭо Урыстәылатәи Афедерациа аусеицурала зыӡбара алыршахогьы. Аха Аҧсны акгьы аҽаҧсахӡом, зегьы шыҟац иҟоуп, ҭыҧк аҿы иаангыланы иҟоуп ҳәа ианцәажәо, уи аиаша иацәыхароуп”. 

2018-тәи ашықәс абиуџьет ахарџьқәа асоциалтә хырхарҭа аҟынтәи аекономикатә ҿиара ахь аиагара иаамҭаӡами ҳәа Аҧсныпресс акорреспондент  ииҭаз азҵаара аҭак ҟаҵо,Рауль Ҳаџьымба инаҵшьны иазгәеиҭеит: “Ҳара  баша анхара ,аҟазаара аҟынтәи аҿиара ахь ҳаиасыр ахәҭоуп! Ҳараакыргьы уи ҳалацәажәахьеит, аха рыцҳарас иҟалаз, еимга-еимцарак ала зегьы узыҟаҵом. У иҟан ҳара ҳбиуџьет арҭ иҳаҩсыз ашықәсқәа зегьы рзы. Иҳаҩсыз ашықәсқәа ирҿырҧшны, аиашазы, Ареспубликатә биуџьет азеиҧш рбага шеиҵахаз умбар залшом.Н Иҳаҩсыз ашықәсқәа рзы абиуџьет 11-13 милиард мааҭ рҟынӡа инаӡозҭгьы, иахьа уи акыр еиҵоуп. Аха убри аан иазгәоумҭаргьы ҟалом, Урыстәылатәи иаауаз афинанстә цхыраара шеиҵахазгьы. Уи уаанӡа ҳхатәы лшарақәа раасҭа акыр еиҳан. 2012-2013 шш. рзы ахыҧхьаӡаратә рбагақәа аагозар, абиуџьетқәа Аҧсны хәыҷы азы акыр идуун, убри аан ахатәы лшарақәа рыструктура 2 миллиардки 500 нызықь мааҭи – 2 миллиардки 900 миллион мааҭи рҟынӡа инаӡон. Иахьа даҽа тенденциак ыҟоуп. 2015 шықәсазы ҳара Урыстәылатәи Афедерациа аҟынтәи афинанстә цхыраара аҳасабала иаҳауит 40 миллион мааҭ, уи  иашьҭанеиуаз ашықәс азы – 2 миллиард мааҭ инарзынаҧшуан, сынтәа акәзар – 2,5 миллиарб мааҭ рҟынӡа инаӡеит. Хы-шақәса рыла Урыстәылатәи Афедерациа аҟынтәи иааз афинанстә цхыраара ааизакны 5 млрд. мааҭ рҟынӡа инаӡоит.  Абиуџьет аҿы ахатәы хашәалахәы аструктура еизҳаит. Убри ауп аҭагылазаашьа аҧсахра ахацыркра ҳәа изышьҭоу.Ҳара уи аҳазылхратәи ашәахтәи лагалақәа иамоу ахылаҧшра арҕәҕәара иадҳәалоуп ҳәа  иаартны иаҳҳәоит”. 

Иара убас абиуџьет асоциалтә хырхарҭа атема ахь дазыхынҳәуа, Аҳәынҭқарра Ахада акадрқәа реиҵатәра  апроцесс ацҵара шхымҧадатәиу азгәеиҭеит: “Иҟоуп  иаҧыху аструктурақәа, аха убри аан иҳаҩсыз ашықәсқәа зегьы ирылагӡаны уа аус зуаз аусзуҩцәа аулафахәы шроуц ироуан. Ари аҵараиурҭақәагьы рахь иаҵанакуеит. Ари даара имариам зҵаароуп. Ҳара иарбоу апроцесс хацҳаркит, еиҧшу аусура назыгӡо структурақәак реидылара азҧхьагәаҭаны иҳамоуп”. 

Аҳәынҭқарра Ахада зыҽҳәара цахьоу атәылауаҩшәҟәқәа иҿыцу ахкқәа рыла рыҧсахреи “Анхаразы азин зырҵабырго” абланкқәа рыҭареи ишрыцҵо ҩаҧхьа иазгәеиҭеит: “Иара убас урыстәылатәи агани  ҳареи “Анхаразы аршаҳатга” ала аҳәынҭқарратә ҳәаа ахысра азы азин аиура азы аиҿцәажәарақәа мҩаҧаагоит”. Агәра ганы сыҟоуп ари азҵаара шыӡбахо. Апаспортқәа реиҭныҧсахра апроцесс мҩаҧысуеит. Иахьазы – 75-80 нызықь рҟынӡа апаспортқәа ҧсахуп. Апаспорттә маҵзурақәа русзуҩцәа рзы иахәҭоу аҭагылазаашьақәа зегьы аҧҵоуп. 2019 шықәсазы имҩаҧысраны иҟоу алхрақәа иҿыцу атәылауаҩшәҟәа рыла ишымҩаҧысуа агәра ганы сыҟоуп”. 

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа