Ажәабжьқәа

Популярное

Рауль Ҳаџьымба: абиуџьет алшарақәеи иазҧхьагәаҭоу аусмҩаҧгатәқәа зегьи ақыҭа аиқәырхареи аҿиареи иазырхахоит

147
26.12.2017 16:37
Рауль Ҳаџьымба: абиуџьет алшарақәеи иазҧхьагәаҭоу аусмҩаҧгатәқәа зегьи ақыҭа аиқәырхареи аҿиареи иазырхахоит
Аҧсны ақыҭанхамҩа Аминистрра аҿы 2017 шықәсазы аусура аихшьаалақәа ҟаҵоуп.

Аҟәа. Ҧхынҷкәынмза 26. Аҧсныпресс. Дамеи Касланӡиа. Аҧсны ақыҭанхамҩа Аминистрра аҿы 2017 шықәсазы аусура аихшьаалақәа ҟаҵоуп. Аусмҩаҧгатә ихы алаирхәит Аҳәынҭқарра Ахада Рауль Ҳаџьымба. 

Аҧсны ақыҭанхамҩа аминистр Даур Ҭарба ахыҧхьаӡаратә рбагақәа ааигеит: “2017 шықәсазы Аминистрра абиуџьет 100 миллион мааҭ рҟынӡа инаӡеит, урҭ рахьнтә 25 миллион араионқәа ирзоужьын. Иахьазы иарбоу аҧаратә хархәагақәа рҟынтәи ахархәара роуит 21 миллиони 273 нызықь мааҭи. Иҷыдоу атехника азы иахәҭоу аиқәыршәагақәа раахәара алыршан, урҭ зегьы араионқәа рахь идәықәҵахеит. Уи 10 миллионки 270 нызықь мааҭи ақәхарџьхеит”.

Даур Ҭарба аҧснытәи ақыҭанхамҩатә аалыҵ аарыхыҩцәа 18-тәи урыстәылатәи агроааглыхратә цәыргақәҵа “Ахьтәы ҭагалан-2018” аҿы ирымаз аихьӡарақәа ҩаҧхьа дырзааҭгылеит: “Аҧсны Аҳәынҭқарра аекспозициа ҧшьынтәны Гран-при анашьахеит. Аҧснытәи аилазаарақәа раалыҵ 31 номинациа ала иалкаахеит. Зегьы реиҳа ари ацәыргақәҵа аҿы ахшыҩзышьҭра аҭан аҧснытәи ацха”. Убри аан аминистр ишазгәеиҭаз ала, ацха аарыхыҩцәа адгылара рыҭара азы ақыҭанхамҩа Аминистрра 10 миллион мааҭ азоунажьит, аҧарақәа рыхәҭак ацха аус адулара азы азауад аргылара ахь идәықәҵан, егьи ахәҭа – аусдкылаҩцәа ацхыраара рыҭара ахь.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа