Ажәабжьқәа

Рауль Ҳаџьымба Александр Иу шьенко дидикылеит

799
12.08.2019 21:49
Рауль Ҳаџьымба Александр Иу шьенко дидикылеит
Аҧсны Аҳәынҭқарра Ахда Рауль Ҳаџьымба апартиа “Урыстәылатәи Афедерациа акоммунистттә партиа” аҟынтәи Урыстәылатәи Афедерациа Аҳәынҭқарратә Дума адепутат Александр Иушьенко дидикылеит.

Аҟәа. Нанҳәамза 12. Аҧсныпресс. Нанҳәамза 12 рзы Аҧсны Аҳәынҭқарра Ахада Рауль Ҳаџьымба “Урыстәылатәи Афедерациа Акоммунисттә партиа” аҟнытәи Урыстәылатәи Афедерациа Аҳәынҭқарратә Дума адепутат Александр Иушьенко диҧылеит.

Аҳәынҭқарра Ахада асас аҧсшәа иаҳәаны, иҭабуп рхиҳәааит Аҧсны Аҳәынҭқарра адгылараҟны ипозициеи ҩ-ганктәи аусеицура арҕәҕәаразы имҩаҧиго аусуреи.

“Шәара Аҧсны шәазыҟазаашьа ҳара ҳзы акраҵанакуеит. Аҳәынҭқарратә Дума адепутатцәа, ҷыдала, акоммунистцәа рыфракциа имҩаҧырго аусура маҷӡам Урыстәыла Аҧсны иазку аинформациа, иҟоу ауадаҩрақәа, ҩ-ганктәи аусеицура аҷыдарақәа ртәы аларҵәаразы. Урыстәылатәи Афедерациа аганахьала афинанстә цхыраара атәы ҳҳәозар, иқәҳаргыло аҳасабтәқәа Аҧсны економикала ахы иақәгәыҕуа аҟаҵара иазкуп”, – ҳәа азгәеиҭеит Аҳәынҭқарра Ахада.

Александр Иушьенко Аҳәынҭқарра Ахада иҟаиҵаз адкыларазы иҭабуп ҳәа иеиҳәеит.

“Аҧсны ҳара ҳзы ҳҳәынҭқарра иаҧнуп ҳәа мацара акәӡам, ари амшынеиқәатәи аҧшаҳәаҟни Кавказтәи ашьхақәа рымҵани ишьҭоу абырлаш иаҩызоуп, ара ҳара ҳҩызцәа гәакьақәа ықәынхоит. Атәыла економикала ахала аҿиара иалагароуп. Аусура дуӡӡа мҩаҧыжәгеит ареспублика арҿиаразы, амҩагьы иашаны илхуп, уи аҧхьаҟагьы иацҵатәуп ҳәа сгәы иаанагоит”, – ҳәа иҳәеит Александр Иушьенко.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа